Filipi 3:3 - Porjanjian Boharu Torjomahan Baso Dilakng Soari-ari

³ Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

Filipi 3:3 ပူးပေါင်းရင်းမြစ်များ

Roma 1:9

Allah ia'an sasiku obai aku hala moingant kaitn dalapm doaku. Sionam Allah inyo aku layati agatn soponuh hati pakai' momboritoan Kabar Boi' mongona'i Ana'-Nyo.

Roma 15:17

Obai nantai, aku bangga mongona'i polayatan inyo Kristus Yesus kona'an ko aku pakai' Allah.

Roma 7:6

Apo watu ni'in, kito dibebasan. Kito kinyo tokobat agi' ko Hukupm Torat obai caro hidup kito inyo manah nantai udah mati. Watu ni'in, kito hidup agatn caro inyo boharu. Kito molayati Allah bukainyo agatn caro hidup inyo monuruti Hukupm Torat inyo totulis apo agatn caro hidup inyo monuruti Roh Allah.

Roma 8:15

Komainyo, kaitn samo sama'an pacal inyo ponggola'an. Apo, Roh Allah inyo dionju' ko kaitn kinyo bulah kaitn monjadi samo sama'an nantai agi'. Roh Allah bulah kaitn monjadi poana'an Allah. Obai Roh-Nyo nantai, kito moningkau, “Oi Allah! Duatn Bopaiku!”

Roma 8:39

Conyiant ado la'apo pan di pucu' bumi damo di babah bumi, conyiant ado la'apo pan di sogolintaran alapm inyo ulih monyongkayoan kito doi' kasih Allah, ia'an kasih inyo Sio tunju'an ko kito dalapm Kristus Yesus, Tuhatn kito.

Roma 9:6

Banya' urakng Israel kinyo disolamant'an. Apo nantai kinyo bondar obai Allah balakng momonuhi janji-Nyo ko sia'. Obai, kinyo somuo sia' ia'an bondar-bondar urakng Israel inyo dipilih Allah

2 Korintus 11:18

Banya' urakng momuji diri mongona'i boko hal di dunia ni'in. Jadi, aku honda' momuji diri sama'an sia' oca' kaitn paca'an monorima'ku jam.

Galatia 5:25

Roh Allah udah morubah hidup kito monjadi boharu. Obai niannam, kito pan gola' hala hidup sosuai agatn bimbikan Roh Allah.

Galatia 6:16

Aku bodoa oca' Allah moonji'i sonang-asau ko somuo urakng inyo hidup sama'an nantai. Aku bodoa oca' Allah jam monunju'an koboi'an-Nyo ko kito. Kito ninam inyo monjadi umant Allah inyo bondar.

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

Filipi 1:1

Surat ni'in doi' ku, Paulus bosamo agatn Timotius. Koi urakng inyo bokorojo molayati Kristus Yesus. Surat ni'in pakai' somuo urakng husus umputn Allah di kota Filipi inyo bosatu dalapm Kristus Yesus, tomansu' agatn somuo ponotua' ongko diakon jomaat.

Filipi 3:12

Aku co bomasud aku udah moncapai tujuan nantai! Memang aku bolupm sompurna. Apo aku hala bousaha pakai' moncapai tujuan nantai. Obai, nantaiam hajat Kristus Yesus bagiku timpu Sio moningkau ku monjadi umputn-Nyo.

Filipi 3:14

Aku samo sama'an urakng dalapm polomba'an inyo bonggidi'an oca' mondapat'an hadiahnyo. Hadiahku ia'an Allah moningkauku pakai' hidup bosamo agatn Sio di sorugo. Nantai ulih tojadi ongkah obai Kristus Yesus.

Kolose 2:11

Obai kaitn bosatu agatn Sio, ongko kaitn udah disunant. Aku kinyo bomasud sunant inyo dilabuhan monsio, apo sunant inyo dilabuhan Kristus. Ia'an, Sio bulah oca' kohonda' bodosa kinyo monguaso'i kaitn agi'.

Yudas 1:20

Apo, kaitn, boko somadikan inyo ku kasihi, bousahacam oca' kaitn botambah kuat pocayo ko ajaran inyo bondar-bondar doi' Allah. Bodoa cam dalapm Roh Allah.