Filipi 3:21 - Porjanjian Boharu Torjomahan Baso Dilakng Soari-ari

²¹ Sio ado kuaso pakai' mombulah somuo la'apo pan tundu' agatn Sio. Agatn kuaso-Nyo nantai, bukakng-tubuh kito ni'in inyo lomah ongko ulih diloloan, Sio tajahan morubah monjadi samo sama'an bukakng-tubuh Sio inyo mulia.

Filipi 3:21 ပူးပေါင်းရင်းမြစ်များ

Matius 17:2

Lalu sia' tigo moniant bukakng-tubuh huatan pakai'an Yesus borubah. Mato-muhonyo bocohayo sama'an matoari. Pakai'an-Nyo monjadi putih momanjah.

Matius 22:29

Timbas Yesus ko sia', “Kaitn kotakan salah obai kaitn co mongoroti Buku Suci huatan kuaso Allah!

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Roma 8:29

Doi' komai, Allah udah tohu sopo inyo tajahan dipilih Sio. Doi' komai, Sio pan udah momutusan oca' sia' monjadi sorupo agatn Ana'-Nyo, Yesus. Agatn ubo nantai, Yesus monjadi Ana'-Nyo inyo potamo di antaro banya' somadikan.

1 Yohanes 3:2

Boko somadikanku inyo ku kasihi, watu ni'in kito nam poana'an Allah. Kito co tohu pasti ubo apo Allah morubah kito nononyo. Apo kito tohu ni'inan: timpu Kristus datakng agi', kito paca'an monjadi samo sama'an Sio obai kito moniant Sio dalapm koadaan-Nyo inyo sobondarnyo

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.