Filipi 3:18 - Porjanjian Boharu Torjomahan Baso Dilakng Soari-ari

¹⁸ Obai, ado banya' urakng inyo hidupnyo morusa' roti komatian Kristus di kayu salib. Aku udah opat am momadahi kaitn mongona'i nantai. Watu ni'in aku kapikng monangis, momadahi kaitn mongona'i nantai agi'.

Filipi 3:18 ပူးပေါင်းရင်းမြစ်များ

Lukas 19:41

Yesus mongkitn dampikng agatn kota Yerusalem. Watu Sio moniant kota nantai, Sio salu' bondar obai boko urakng di su'utn.

Kisah Boko Rasul 20:19

Aku molayati Tuhatn agatn rondah hati. Dalapm polayatan nantai, opat aku sampai monangis. Aku moalapi banya' ajab sonsaro obai urakng Yahudi inyo kinyo pocayo agatn Yesus opat bulah kojahatan ko aku.

Roma 9:2

Ia'an obai aku kotakan salu'. Hatiku susah

1 Korintus 1:18

Ado boko urakng inyo paca'an bonaso. Sia' bopikir obai borito mongona'i Kristus mati di kayu salib nantai sosuatu inyo co nyiant rotinyo. Apo pakai' kito inyo disolamant'an, kabar mongona'i Kristus mati di kayu salib monunju'an kuaso Allah.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

2 Korintus 11:13

Obai, boko urakng totontu nantai mongolakar dalapm polayatan sia'. Sia' bopadah sia' nam boko rasul Kristus, apo sobondarnyo sia' boko rasul palsu.

2 Korintus 11:29

Aman ado anggota jomaat inyo lomah aku pan jumpat lomah jam. Aman ado anggota jomaat inyo disosatan, pasti hatiku oso ropu'-lolo.

2 Korintus 2:4

Memang aku monulis surat nantai agatn hati inyo hancur ongko podih, ongko pan banya' moncucuran ara'i mato. Apo aku co honda' bulah kaitn monjadi salu'. Kohonda'ku oca' kaitn tohu kotakan bosar kasihku ko kaitn somuo.

Galatia 1:7

Apo nantai bukai Kabar Boi' inyo bondar! Boko urakng inyo moajaran nantai honda' morubah Kabar Boi' mongona'i Yesus Kristus, ia'an Rajo Inyo Dijanjian Allah. Sia' moncubo monggonti'i Kabar Boi' inyo bondar nantai agatn kabar inyo salah. Jadi, sia' bulah kaitn monjadi kacau.

Galatia 2:14

Porbuatan sia' kinyo sosuai agatn Kabar Boi' inyo bondar. Jadi, watu aku moniant nantai, aku monogur Petrus di muka' urakng banya'. Katoku, “Kolai urakng Yahudi. Apo kolai udah ulih hidup sama'an urakng bukainyo Yahudi. Obai nantai, jangan momoso boko urakng bukai Yahudi monaati boko poraturan agama Yahudi.”

Galatia 2:21

Aku co paca'an kalo monula' koboi'an doi' Allah nantai inyo sobondarnyo kito kinyo cucu' monorima'nyo! Kito kinyo ulih dipohitukan bondar dihadapan Allah aman kito bousaha monaati somuo porintah huatan poraturan Allah dalapm Hukupm Torat. Ongkonyo kito ulih dipohitukan bondar agatn caro nantai, boroti Kristus mati kinyo ado rotinyo.

Galatia 5:21

mongohonda'i umputn urakng bukai, hala komabu'an, ngosihan nyao, ongko boko dosa inyo bukai sama'an nantai. Aku moingant'an kaitn sama'an inyo kalo kuingant'an ko kaitn sobolupmnyo: Boko urakng inyo hala molabuhan boko hal sama'an nantai kinyo paca'an monjadi warga Koraja'an Allah.

Galatia 6:12

Ado boko urakng inyo honda' mompangkakan kohebatan diri siku' dalapm boko hal inyo kotiat'an. Sia' nantaiam inyo bousaha momoso kaitn pakai' bosunant oca' kaitn ulih disolamant'an, bukainyo bayo obai Kristus mati di kayu salib. Sia' molabuhan nantai oca' sia' kinyo didorako'i boko urakng yahudi.

Galatia 6:14

Apo aku kinyo buhau agatn porbuatan la'apo pan inyo aku labuhan. Aku bayo sonang agatn porbuatan Yesus Kristus. Sio mati di kayu salib pakai' mombuka' jalatn oca' urakng ulih disolamant'an. Sio nantai Tuhatn kito, ia'an kito inyo pocayo ko Sio. Obai nantai, ubonyo aku pan disaliban tohadap somuo hal inyo duniawi. Aku kinyo morogo'i boko hal inyo dirogo'i boko urakng inyo ado di dunia ni'in. Boko urakng inyo ado di dunia ni'in pan kinyo morogo'i boko hal inyo aku rogo'i.

Efesus 4:17

Obai nantai aku momandiran ni'in, malahan aku monyiuh kaitn dalapm Tuhatn: Jangan agi' hidup sama'an boko urakng inyo kinyo mongonal Allah. Pikiran sia' sia-sia.

Filipi 1:4

Sotiap kali aku bodoa pakai' kaitn somuo, aku hala bodoa agatn sonang-nyamanam.

1 Tesalonika 4:6

Dalapm hal ni'in, jangan jam bulah dosa ko somadikan bukainyo inyo pocayo ko Yesus. Jangan monggogadati io. Obai Tuhatn paca'an mohukupm boko urakng inyo bulah dosa sama'an nantai. Sokomai, koi udah kalo moingant'an kaitn agatn togas mongona'i hal nantai.

2 Tesalonika 3:11

Koi mongatoan somuo ni'in obai koi mondinga' ado urakng pocayo inyo pocalan. Sia' co honda' bogota'-bokorojo. Sia' bayo sibuk sonjumpat'an urusan urakng bukai.

2 Petrus 2:10

hususnyo boko urakng inyo moikuti hawa napsu inyo mombulah diri sia' kotor, huatan boko urakng inyo co mohormati kuaso Allah atas sia'. Boko guru palsu nantai kotakng borani huatan buhau sampai sia' kinyo gola' mohanyam boko mahluk inyo bokuaso.

Yudas 1:13

Sia' samo sama'an golumbakng bosar inyo mombaba' apukng inyo kotor, ia'an porbuatan jahat sia' inyo soharusnyo mombulah sia' malu. Sia' sama'an boko bintakng inyo bopindah-pindah. Jadi, boko urakng nantai paca'an dihukupm somanah-manahnyo di tompat inyo kotakan potakng-hiru' inyo udah disodiaan pakai' sia'.