Filipi 3:16 - Porjanjian Boharu Torjomahan Baso Dilakng Soari-ari

¹⁶ Apo, inyo pontikng kito totap hidup agatn caro watu ni'in inyo udah Allah tunju'an ko kito.

Filipi 3:16 ပူးပေါင်းရင်းမြစ်များ

Kolose 2:6

Kaitn udah pocayo obai Kristus Yesus nantai Tuhatn kito. Obai nantai, totap ja' hidup bosatu agatn Sio.

Wahyu 3:3

Jadi, ingantcam ajaran inyo kaitn dinga' ongko torima' komai. Taat'icam nantai. Tongga'ancam kaitn bulah boko dosa lalu hidup monyonangan hati Allah. Aman kaitn co bojojago, Aku paca'an datakng mohukupm kaitn. Kaitn nononyo co kalo mongotohu'i sombilo watunyo Aku datakng samo sama'an siku' urakng pongolit.

Galatia 6:16

Aku bodoa oca' Allah moonji'i sonang-asau ko somuo urakng inyo hidup sama'an nantai. Aku bodoa oca' Allah jam monunju'an koboi'an-Nyo ko kito. Kito ninam inyo monjadi umant Allah inyo bondar.

Roma 15:5

Sio nam Allah inyo monguat'an hati kito ongko bulah kito botahatn mohadapi ajab sonsaro. Aku bodoa oca' Sio bulah kaitn hidup dalapm kosatuan sosuai agatn kohonda' Kristus Yesus.

Filipi 4:2

Ko Euodia ongko Sintikhe, aku kotakan momuhun oca' kaitn bosatu di dalapm Tuhatn.

Filipi 2:2

Obai somuo nantai, pulahcam hati ku lobih sonang agi' agatn molabuhan boko hal ni'in: Hidupcam di dalapm kosatuan. Hala mongasihi siku'-monyiku'. Kohonda'nyo pikiran ongko tujuan kaitn hala samo.

Filipi 1:27

Lapo ja' inyo tojadi ko aku, inyo pontikng ia'an kaitn hidup sosuai agatn Kabar Boi' mongona'i Kristus. Agatn ubo nian, aman aku ulih datakng botomu agatn kaitn damo cuku datakng ongko bayo mondinga' mongona'i kaitn, jadi aku tajahan tohu obai kaitn totap kuat pocayo. Aku tajahan tohu kaitn bosatu hati ongko bojuakng bosamo pakai' kopocaya'an inyo sosuai agatn Kabar Boi' nantai.

Roma 12:16

Hidupcam dalapm kosatuan. Jangan buhau apo bokawalcam agatn boko urakng inyo dianggap co pontikng. Jangannam bopikir kaitn udah mongotohu'i la'apo pan.

Galatia 5:7

Sokomai kaitn monunju'an komajuan cukup boi' watu tuyut Yesus. Jangan dilongahan urakng bukai honda' mohalak-halaki kaitn. Jangan sampai kaitn co monaati ajaran inyo bondar.

Kolose 4:2

Bodoacam agatn somombondarannyo. Dalapm doa kaitn, gola' hala bososiap huatan bosukur ko Allah.