Filipi 2:9 - Porjanjian Boharu Torjomahan Baso Dilakng Soari-ari

⁹ Nantai sobabnyo Allah mombulah Sio monjadi kotakng pontikng. Allah moonju' damo ko Sio inyo lobih bokuaso di pucu' somuo inyo bukai.

Filipi 2:9 ပူးပေါင်းရင်းမြစ်များ

Matius 11:27

Ongko Yesus bopandir ko boko urakng, “Bopai-Ku udah moonju' somuo hal ko Aku. Co nyiant siku' pan inyo mongonal Ana' solaitn Bopai, nyiant siku' pan inyo mongonal Bopai solaitn Ana', huatan boko urakng inyo dipokonalan Ana' agatn Bopai.

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Lukas 10:22

Lalu Yesus bopandir ko boko urakng banyaꞌ, “Bopai-Ku udah moonji'i somuo kuaso ongko pongotohuan ko Aku. Conyiant siku' pan inyo bondar-bondar mongonal Ana', solaitn Bopai. Conyiant jam inyo bondar-bondar mongonal Bopai solaitn Ana', huatan boko urakng inyo Ana' nantai pilih pakai' mongonalan Bopai.”

Yohanes 13:3

Apo, Yesus tohu obai Allah Bopai udah monyorahan somuo kuaso ko Io. Sio tohu jam obai Sio datakng doi' Allah huatan paca'an bobali' ko Sio jam.

Yohanes 17:11

Sobontar agi' Aku paca'an datakng bobali' ko Duatn. Aku co paca'an ado di dalapm dunia. Apo sia' ija' ado di dalapm dunia ni'in. Oi Bopai-Ku inyo Suci, lindukicam sia' agatn kuaso dalapm damo Duatn, ia'an damo inyo Duatn udah onju' ko Aku. Lindukicam sia' oca' sia' bosatu, samo sama'an Duatn agatn Aku siku'mo.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Yohanes 17:5

Watu ni'in, oi Bopai, pulahcam Aku monjadi mulia agi' bosamo agatn Duatn di sorugo, samo sama'an komai watu Aku mulia bosamo agatn Duatn sobolupm dunia ni'in dipulah.”

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

Efesus 1:10

Ninam hajat Allah nantai: watu inyo udah ditontuan-Nyo, Sio paca'an mombulah somuo hal di sorugo ongko di bumi monjadi sodoirmo huatan Kristus bokuaso di pucu' somuonyo.

Kolose 1:18

Sio nantai kopala' bukakng-tubuh-Nyo, ia'an somuo urakng inyo pocayo ko Sio. Sio nantai puku' kohidupan boharu inyo dionji'i ko sia' nantai. Sio monjadi urakng potamo inyo bobali' hidup doi' komatian. Ongko, Sio siku' monjadi inyo palikng pontikng doi' somuo hal.

2 Tesalonika 1:12

Obai nantaiam, damo Yesus, Tuhatn kito dimuliaan obai kaitn. Ubo nian jam, kaitn dimuliaan obai koboi'an Allah huatan Tuhatn kito Yesus Kristus.

Ibrani 1:4

Jadi, Sio jouh lobih tohormat doi' boko molekat. Sio dionji'i damo inyo jouh lobih tohormat doi' damo inyo dionju' ko sia'.

Ibrani 1:9

Duatn sonang aman urakng bulah inyo bondar, apo Duatn kinyo sonang aman urakng mombulah inyo jahat. Nantai am sobabnyo Allah, Allah Duatn monuyungan minya' di pucu' Duatn sobagai tando Sio mohormati Duatn lobih doi' boko pokawalan Duatn. Ponghormatan nantai mombulah Duatn sonang-nyaman.”

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Ibrani 2:9

Apo kito tiat Yesus bokuaso. Kinyo manah Allah mombulah Sio monjadi monsio inyo ‘lobih babah doi' boko molekat’. Ongko watu ni'in Sio udah ‘monjadi mulia ongko tohormat’ obai Sio mondorita' sampai mati pakai' somuo monsio. Nantai tojadi obai kasih karunia Allah.

1 Petrus 3:22

noi' ko sorugo, lalu dudu' di tompat tohormat di sopia' kanan Allah. Allah mombulah Kristus bokuaso di pucu' somuo molekat ongko somuo inyo ado kokuatan huatan kokuasa'an.

2 Petrus 1:17

Koi ado bosamo agatn Sio di pucu' bukit inyo suci. Watu Allah Bopai-Nyo mohormati ongko momuliaan Sio. Allah inyo kotakan Bokuaso mongatoan, “Ninam Ana'-Ku inyo Ku kasihi. Io monyonangan hati-Ku.” Koi siku' mondinga' saro Allah doi' sorugo nantai.

3 Yohanes 1:7

Obai, sia' botula' momboritoan mongona'i Kristus ko boko urakng inyo bolupm pocayo, huatan sia' co minto lapopan doi' boko urakng nantai.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 11:15

Lopas nian, molekat inyo kotujuh moniup trompetnyo. Watu nantai, ado boko saro borakng di sorugo bopandir, “Koraja'an di dunia ni'in udah dikuaso'i Tuhatn Allah huatan Rajo Inyo Dijanjian-Nyo, ia'an Kristus. Sio paca'an momorintah somanah-manahnyo!”

Wahyu 19:16

Dijubah-Nyo huatan paho-Nyo totulis damo ni'in, “Rajo inyo bokuaso di pucu' boko rajo, Tuhatn di pucu' boko habakng.”

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.

Wahyu 5:12

Sia' somuo bonyanyi agatn saro borakng, “Ana' Domba inyo disombolih nantai, Sio cucu' pakai' monorima' kuaso, kodampuan, hikmat, kokuatan. Sio cucu' dihormati, ditinggian, dipuji!”