Filipi 2:8 - Porjanjian Boharu Torjomahan Baso Dilakng Soari-ari

⁸ Apotolagi', watu Sio monjadi monsio, Sio morendahan diri-Nyo ongko taat agatn kohonda' Allah sampai mati ia'an mati di kayu salib.

Filipi 2:8 ပူးပေါင်းရင်းမြစ်များ

Matius 17:2

Lalu sia' tigo moniant bukakng-tubuh huatan pakai'an Yesus borubah. Mato-muhonyo bocohayo sama'an matoari. Pakai'an-Nyo monjadi putih momanjah.

Matius 26:39

Lopas nian, Yesus botula' lobih jouh sodikit. Sio tundu' sampai ko tanah lalu bodoa. Kato-Nyo, “Oi Bopai-Ku, aman ulih, bebasanbo Aku doi' pondorita'an inyo gola' Kualapi ni'in. Apo jangan monurut kohonda'-Ku, apo monurut kohonda' Bopai ja'am inyo jadi.”

Matius 26:42

Lopas nian, Yesus botula' bodoa pakai' koduo kalinyo. Kato-Nyo, “Oi, Bopai-Ku. Aman Aku gola' moalapi pondorita'an ni'in, culih disangkal, lalu tojadicam sosuai agatn kohonda' Duatn!”

Lukas 9:29

Apo di su'utn sia' Petrus ongko pokawalannyo toidu'. Watu Yesus tongahan bodoa, ponampilan rupo mato-muho-Nyo borubah, mula'i bocohayo ongko pakai'an-Nyo monjadi putih monyilauan. Colanant duo urakng agi' ado di siatn, Nabi Musa ongko Nabi Elia. Kotiat'an nam sia' agatn cohayo doi' sorugo. Sia' bopandir ko Yesus mongonaꞌi komatian-Nyo di kota Yerusalem, boko hal inyo kinyo manah agi' paca'an dialapi-Nyo sosuai agatn kohonda' Allah. Timpu nian jam, Petrus, Yohanes ongko Yakobus tohuas. Sia' moniant Yesus bocohayo, ongko koduo nabi nantai bodiritn di dampikng-Nyo.

Yohanes 10:18

Conyiant siku' urakng pan inyo ulih mombunuhKu. Apo Aku monyorahan hidup-Ku monurut kohonda'-Ku siku'. Aku ado kuaso pakai' moijitan urakng mombunuh-Ku. Aku pan ado kuaso pakai' hidup agi'. Nianam porintah inyo Aku torima' doi' Bopai-Ku.”

Yohanes 14:31

Apo somuonyo nantai gola' tojadi. Oca', boko urakng di dunia paca'an tohu obai Aku mongasihi Bopai. Sia' pan paca'an tohu obai Aku molabuhan somuo la'apo pan inyo Bopai porintahan ko aku. Nah, hincapm! Kito botula' doi' ninam!”

Yohanes 15:10

Aman kaitn monuruti boko porintah-Ku, Aku pan totap hala mongasihi kaitn. Samo sama'an Aku monuruti porintah Bopai-Ku, huatan Sio pan totap hala mongasihiKu jam.

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Kisah Boko Rasul 8:33

Sio dihanyam. Sio dipoulahan agatn kinyo adil. Co nyiant urakng inyo ulih mongisahan mongona'i koturutan-Nyo, obai Sio dibunuh.”

Roma 5:19

Obai, siku' urakng kinyo monaati porintah Allah, jadi somuo urakng bodosa. Sama'an nian jam, obai siku' urakng monuruti kohonda' Allah, jadi somuo urakng monjadi bondar di hadapan Allah.

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Ibrani 12:4

Memang kaitn bojuakng molawatn dosa, apo bolupm kalo gola' sampai mati sama'an Yesus.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.