Filipi 2:7 - Porjanjian Boharu Torjomahan Baso Dilakng Soari-ari

⁷ Sobali'nyo, Sio molopasan somuo nantai. Sio datakng ko dunia ni'in monjadi samo sama'an hulutn. Sio monjadi samo agatn monsio.

Filipi 2:7 ပူးပေါင်းရင်းမြစ်များ

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

Galatia 4:4

Apo topat watu inyo ditontuan Allah, Sio moutus Ana'-Nyo, ko dunia ni'in inyo lahir doi' siku' urakng botina'. Yesus monaati somuo porintah ongko poraturan Allah inyo ditulis Musa dalapm buku Hukupm Torat.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Roma 15:3

Obai, Kristus pan kinyo bayo monyonangan diri-Nyo siku'. Samo sama'an inyo totulis dalapm Buku Suci: “Kato inyo sia' gunoan pakai' mohayam Duatn, au Allah, sia' gunoan pakai' mohayam aku.”

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Lukas 22:27

Cubo pikiran sopo inyo lobih pontikng; urakng inyo dudu' makatn damo inyo molayatinyo. Pasti urakng inyo dudu' inyo lobih pontikng. Apo somanah Aku bosamo agatn kaitn, Aku pan molayati kaitn.

Roma 15:8

Masud ku ubo ni'inan: watu Kristus datakng, Sio molayati banso Yahudi pakai' monunju'an obai Allah sotia monopat'i boko janji-Nyo ko angki-bayatn sia'.

Filipi 2:6

Memang bondar, Yesus Kristus samo agatn Allah. Apo, Sio kinyo bopikir Sio gola' momportahatan kodudu'an nantai.

Matius 12:18

“Ninam Urakng inyo molayati Aku. Aku udah momilih Sio. Aku mongasihi Sio. Sio monyonangan hati-Ku. Aku paca'an moonji'i Roh-Ku ko Sio. Huatan Sio paca'an momboritoan ko somuo banso obai Aku paca'an molabuhan koadilan.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.

Roma 1:3

Kabar Boi' nantai mongona'i Ana'-Nyo, ia'an Yesus Kristus, Tuhatn inyo bokuaso dipucu' kito. Yesus dilahiran socaro monsio sobagai koturutan Rajo Daud. Apo, Yesus jam ia'an Urakng Inyo Kudus doi' Allah. Obai, timpu watu Sio bobali' hidup doi' komatian, Allah monunju'an obai Yesus ia'an Ana'-Nyo inyo bokuaso.

Markus 9:12

Timbas Yesus, “Bondaram hal nantai udah ditulis dalapm Buku Suci. Nabi Elia tajahan holu datakng pakai' monyiap'an somuo hal pakai' kodatakan Rajo Inyo Dijanjian Allah. Apo pondinga'anbo ni'in: Nabi Elia inyo dimasud nantai udah datakam. Boko urakng bulah inyo jahat ko io sokohonda' hati sia'. Apo, somuo nantai tojadi sosuai agatn pomandiran inyo totulis mongona'i Io dalapm buku Suci. Jadi, porotian jam pomandiran inyo totulis mongona'i Ana' Monsio. Buku Suci mongatoan obai Ana' Monsio paca'an dihanyam huatan banya' moalapi ajab sonsaro. Pikiran cam mongona'i masud pomandiran nantai.”

2 Korintus 13:4

Memang Kristus ulih dihukupm mati di kayu salib obai Sio ado bukakng-tubuh inyo lomah samo sama'an monsio. Apo Sio hidup obai kuaso Allah. Ubo nian jam agatn koi. Koi lomah obai koi mondorita' samo sama'an Kristus. Apo, dalapm caro koi mohadapi kaitn, koi paca'an hidup bosamo Kristus dalapm kuaso Allah.