Filipi 2:6 - Porjanjian Boharu Torjomahan Baso Dilakng Soari-ari

⁶ Memang bondar, Yesus Kristus samo agatn Allah. Apo, Sio kinyo bopikir Sio gola' momportahatan kodudu'an nantai.

Filipi 2:6 ပူးပေါင်းရင်းမြစ်များ

Matius 1:23

“Dinga'anbo! Siku' urakng botina' daro paca'an buntikan, lalu boana'an siku' bobia' lolaki. Sia' paca'an mondamo'i Sio, Imanuel.” (Damo Imanuel nantai boroti “Allah monyoroto'i kito.”)

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Yohanes 10:30

Aku huatan Bopai-Ku siku'mo.”

Yohanes 10:33

Kato sia', “Koi honda' monikapm Duatn agatn batu bukainyo obai pokoroja'an boi' inyo Duatn labuhan, apo obai Duatn mohayam Allah. Duatn bayo monsio mo, apo Duatn monyamoan diri Duatn agatn Allah!”

Yohanes 10:38

Apo memang Aku molabuhan boko pokoroja'an Bopai-Ku. Biar pan kaitn co pocayo agatn Aku, palikng cado honda'nyo kaitn pocayo agatn boko pokoroja'an nantai. Agatn ubo nian, kaitn paca'an tohu huatan mongoroti obai Bopai bosatu agatn Aku, huatan Aku bosatu agatn Bopai.”

Yohanes 14:28

Kaitn udah mondinga' Aku bopandir ko kaitn obai Aku paca'an botula' apo Aku paca'an bobali'mo ko kaitn. Aman kaitn mongasihi Aku, kohonda'nyo kaitn rindakng obai Aku botula' ko Bopai-Ku. Kohonda'nyo kaitn rindakng mongona'i nantai obai Bopai lobih bokuaso daripado Aku.

Yohanes 14:9

Timbas Yesus ko io, “Filipus, Aku udah cukup manah bosamo kaitn. Hibo sampai watu ni'in kolai bolupm mongonal Aku? Urakng inyo udah moniant Aku, rotinyo udah moniant Bopai jam. Jadi, hibo kolai bopandir sama'an nantai, ‘Pulah oca' koi ulih moniant Bopai agatn mato koi sikuꞌ’?

Yohanes 17:5

Watu ni'in, oi Bopai, pulahcam Aku monjadi mulia agi' bosamo agatn Duatn di sorugo, samo sama'an komai watu Aku mulia bosamo agatn Duatn sobolupm dunia ni'in dipulah.”

Yohanes 20:28

Kato Tomas ko Sio, “Duatn nam Tuhatn huatan Allah-ku!”

Yohanes 5:18

Obai pomandiran Yesus nantai, lalu boko pomimpitn agama Yahudi mongkitn bousaha pakai' mombunuh-Nyo. Bukainyo aja' obai Sio molanggar poraturan ari Sabat, apo obai Sio momandiran obai Allah nantai Bopai-Nyo. Agatn ubo nian, Sio monyamoan diri-Nyo agatn Allah.

Yohanes 5:23

Bopai molabuhan nantai oca' somuo urakng mohormati Ana' samo sama'an sia' mohormati Sio. Sopo ja' inyo co mohormati Ana', boroti io kinyo mohormati Allah Bopai inyo moutus-Nyo.

Roma 9:5

Sia' nam koturutan Abrahapm, Ishak ongko Yakub, pombopaian angki-bayatn sia'. Pas Kristus monjadi monsio, Sio lahir sobagai koturutan urakng Israel jam. Sio bokuaso di pucu' la'apo pan. Sio nam Allah inyo cucu' dipuji somanahnyo. Amin!

2 Korintus 4:4

ia'an boko urakng inyo kinyo honda' pocayo. Rajo Sitatn, inyo monguaso'i dunia ni'in, udah bulah sia' co mongoroti. Io bulah mato hati sia' monjadi buto oca' sia' co moniant cohayo, ia'an Kabar Boi' mongona'i Kristus inyo mulia, Kristus inyo nianam samo agatn rupo Allah.

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

Titus 2:13

kapikng kito monantian ari kodatakan Allah inyo Maho Kuaso ongko Ponyolamant kito, Yesus Kristus, ia'an ari inyo kito harapan agatn rindakng-rigah,

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.

Ibrani 1:6

Apo watu, Allah moutus Ana'-Nyo inyo kojula'an ko dunia ni'in, Allah bopandir, “Somuo molekat Allah gola' monyombah Io.”

Ibrani 1:8

Apo Allah bopandir dinga' ni'in mongona'i Ana'-Nyo, “Duatn, oi Allah, momorintah di pucu' tahta Duatn somanah-manahnyo. Duatn momorintah agatn adil di dalapm Koraja'an Duatn.

Ibrani 13:8

Yesus Kristus kinyo borubah. Sio totap samo sokomai, ni'inan sampai somanah-manahnyo.

Wahyu 21:6

Sio pan bopandir ko aku, “Somuonyo udah jadiam! Aku ninam Alpa ongko Omega, inyo Potamo huatan inyo Toahir. Somuo urakng inyo korahakan, Aku paca'an moonji'i modas ko sia' minum doi' mato ara'i inyo moonji'i kohidupan.