Filipi 2:5 - Porjanjian Boharu Torjomahan Baso Dilakng Soari-ari

⁵ Kohonda'nyo pomikiran kaitn gola' samo sama'an pomikiran Kristus Yesus.

Filipi 2:5 ပူးပေါင်းရင်းမြစ်များ

Matius 11:29

Tuyut'i cam porintah-Ku. Bolajarcam doi' Aku, obai Aku lomah-lombut huatan rondah hati. Aman kaitn molabuhan nantai, ongko jiwa kaitn paca'an mooso sonang.

Lukas 22:27

Cubo pikiran sopo inyo lobih pontikng; urakng inyo dudu' makatn damo inyo molayatinyo. Pasti urakng inyo dudu' inyo lobih pontikng. Apo somanah Aku bosamo agatn kaitn, Aku pan molayati kaitn.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Kisah Boko Rasul 20:35

Dalapm somuo inyo aku labuhan nantai, aku monjadi contoh pakai' kaitn. Kaitn pan gola' bokorojo koras ongko monulukng boko urakng inyo jaro. Jangan tongkolupatn pomandiran Tuhatn Yesus, ‘Allah lobih momborokati urakng inyo moonji'i bantu'an daripado urakng inyo monorima' bantu'an.’ ”

Roma 14:15

Aman kolai bopua' sosuatu inyo somadikan kolai bopikir campah, jadi kolai monyakiti hati io. Rotinyo, kolai co hidup agatn caro inyo mongasihi urakng bukai. Kristus udah mati pakai' monyolamant'an somadikan kolai nantaiam. Jadi, jangannam kolai mombulah io bonaso obai mosalah lapo inyo kolai pua'i.

Roma 15:3

Obai, Kristus pan kinyo bayo monyonangan diri-Nyo siku'. Samo sama'an inyo totulis dalapm Buku Suci: “Kato inyo sia' gunoan pakai' mohayam Duatn, au Allah, sia' gunoan pakai' mohayam aku.”

Roma 15:5

Sio nam Allah inyo monguat'an hati kito ongko bulah kito botahatn mohadapi ajab sonsaro. Aku bodoa oca' Sio bulah kaitn hidup dalapm kosatuan sosuai agatn kohonda' Kristus Yesus.

1 Korintus 10:33

Pulahcam samo sama'an inyo ku pulah. Aku hala bousaha oca' somuo porbuatanku kinyo bulah sopo pan tosinggukng. Aku hala moutamoan inyo toboi' pakai' urakng banya', daripado inyo toboi' pakai' diriku siku'. Aku molabuhan somuo nantai oca' sia' ulih disolamant'an.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Filipi 1:1

Surat ni'in doi' ku, Paulus bosamo agatn Timotius. Koi urakng inyo bokorojo molayati Kristus Yesus. Surat ni'in pakai' somuo urakng husus umputn Allah di kota Filipi inyo bosatu dalapm Kristus Yesus, tomansu' agatn somuo ponotua' ongko diakon jomaat.

1 Petrus 2:21

Obai, Allah momilih kaitn pakai' nantai. Kristus siku' moonji'i contoh oca' kaitn moniru porbuatan-Nyo. Ia'an, Sio udah totap kuat mondorita' pakai' kaitn.

1 Petrus 4:1

Obai Kristus udah mondorita' socaro jasmani, jadi kaitn pan gola' monguat'an diri kaitn agatn pikiran obai kaitn tajahan mondorita' samo sama'an Sio jam. Obai, urakng inyo mondorita' socaro jasmani, io udah botongga'am bulah dosa.

1 Yohanes 2:6

Urakng inyo mongatoan obai io hidup bosatu agatn Allah, urakng nantai gola' hidup agatn caro samo sama'an Yesus Kristus.