Filipi 2:4 - Porjanjian Boharu Torjomahan Baso Dilakng Soari-ari

⁴ Jangan bayo momporhatian kopontikan kolai siku'. Apo, porhatian jam kopontikan urakng bukai.

Filipi 2:4 ပူးပေါင်းရင်းမြစ်များ

Matius 18:6

Yesus pan bopandir, “Sotiap urakng inyo bulah salah siku' bobia' kocit inyo pocayo ko Aku oca' bulah dosa, Allah paca'an mohukupm urakng nantai. Jadi, lobih boi' aman batu bosar dikokalai dikobat'an ko lihi'nyo, lalu io dibuakan ko dalapm lout.

Roma 12:15

Aman urakng bukai sonang-nyamanam, kaitn gola' tuyut sonang jam. Aman sia' monangis, kaitn pan gola' jumpat salu' jam.

Roma 15:1

Kito inyo kuat gola' monulukng urakng inyo kurakng kuat. Kito gola' momporhatian lapo inyo boi' pakai' monulukng urakng bukai monjadi lobih kuat pocayo. Kito gola' bousaha monyonangan siku'-monyiku'. Jangan kito bayo monyonangan diri kito siku'.

1 Korintus 10:24

Jadi, watu kaitn molabuhan sosuatu, pikiran cam mongona'i inyo boi' pakai' urakng bukai, daripado inyo toboi' pakai' diri kaitn siku'.

2 Korintus 11:29

Aman ado anggota jomaat inyo lomah aku pan jumpat lomah jam. Aman ado anggota jomaat inyo disosatan, pasti hatiku oso ropu'-lolo.

2 Korintus 6:3

Koi kinyo honda' polayatan koi disalahan. Obai nian, koi bousaha kinyo moonji'i alasan ko sosopo pan pakai' molabuhan hal nantai.

Filipi 2:21

Somuo urakng bukai bayo momporhatian kopontikan sia' siku' bukainyo kopontikan Yesus Kristus.

Yakobus 2:8

Jangan tongkolupatn, dalapm Buku Suci ado porintah ni'in, “Kasihicam sosamo kolai ubo kolai mongasihi diri kolai siku'.” Aman kaitn monaati porintah nian, kaitn monyonangan hati Allah.