Filipi 2:30 - Porjanjian Boharu Torjomahan Baso Dilakng Soari-ari

³⁰ Io hampir mati obai io bokorojo pakai' Kristus. Io rela mati somanah io mowakili kaitn pakai' monulukngku.

Filipi 2:30 ပူးပေါင်းရင်းမြစ်များ

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

Roma 16:4

Sia' kalo hampir mati obai honda' monyolamant'an hidupku. Aku botorima' kasih ko sia'. Malahan, somuo jomaat urakng bukainyo urakng Yahudi botorima' kasih ko sia'.

1 Korintus 15:53

Obai, bukakng-tubuh kito inyo ulih bonaso gola' diubah monjadi bukakng-tubuh inyo kinyo ulih bonaso. Bukakng-tubuh kito inyo ulih mati gola' diubah monjadi bukakng-tubuh inyo kinyo ulih mati.

1 Korintus 16:10

Aman Timotius datakng ko kaitn, usahaancam oca' io kinyo mooso gola' agatn kaitn. Hormaticam io, obai io bokorojo pakai' Tuhatn, samo sama'an aku jam.

1 Korintus 16:17

Sokomai aku rindu agatn kaitn. Apo agatn kodatakan Stefanus, Fortunatus, huatan Akhaikus ko aku, ongko aku mooso sonang. Aku mooso ubonyo aku bonsamo agatn kaitn.

2 Korintus 12:15

Jadi, aku sonang mongurbatan umputnku. Malahan, aku siap monyorahan diriku siku' pakai' monulukng kaitn. Jadi, aman aku mongkitn mongasihi kaitn, pasti kinyo boi' aman kaitn mongkitn kurakng mongasihi ku!

2 Korintus 4:12

Jadi, rotinyo, koi mohadapi komatian di dalapm polayatan koi oca' kaitn mondapat'an kohidupan inyo somanah-manahnyo.

Filipi 2:17

Apo, aku tajahan totap sonang-nyamanam aman aku dibunuh. Obai, kaitn pocayo ko Kristus ongko hidup molayati-Nyo. Kaitn monjadi samo sama'an kurbatn posombahan ko Allah. Aman aku dibunuh, rotinyo darahku ditumpahan di pucu' posombahan kaitn nantai. Jadi, aku sonang-nyamanam ongko aku tuyut sonang-nyamanam jam agatn kaitn.

Filipi 2:27

Memang bondar, io sakit, hampir mati. Apo Allah monunju'an bolas kasihan ko io. Bukainyo bayo io ja', apo Allah monunju'an kasih sayang-Nyo jam ko aku. Allah kinyo mombiaran io mati, oca' ponyalu'ku nantai kinyo botambah.

Filipi 4:10

Aku kotakan sonang-nyamanam dalapm Tuhatn obai ahirnyo kaitn ulih monunju'an obai kaitn momporhatianku. Memang kaitn hala momporhatianku, apo komai kaitn bolupm ado kosompatan monunju'annyo.

Filipi 4:18

Ni'in, aku udah ado somuo inyo ku pontikan, malahan lobih doi' nantai, obai aku udah monorima' doi' Epafroditus somuo inyo kaitn kiripan. Allah sonang agatn poonju' kaitn nantai inyo samo sama'an posombahan inyo bou harupm damo kurbatn bonatakng inyo Sio torima' agatn sonang hati.

Filemon 1:13

Sobondarnyo, aku honda' oca' io totap bosamo agatn aku. Io ulih monggonti'i kolai pakai' monulukng ku somanah aku ija' di dalapm ponjara obai aku momboritoan Kabar Boi'.

Wahyu 12:11

Boko somadikan kito udah mongalahannyo agatn darah Ana' Domba nantai, huatan agatn borito inyo bondar doi' Allah inyo sia' boritoan. Sia' sanggup mongurbatan diri sia' sampai mati.