Filipi 2:13 - Porjanjian Boharu Torjomahan Baso Dilakng Soari-ari

¹³ Obai, Allah siku' bokorojo di dalapm kaitn. Sio moonju' ko kaitn kohonda' ongko komampuan pakai' monyonangan Sio.

Filipi 2:13 ပူးပေါင်းရင်းမြစ်များ

Lukas 12:32

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Lukas 2:14

“Pujian pakai' Allah di sorugo, tompat Inyo Maho Tinggi. Sonang-asau di bumi pakai' monsio inyo monyonangan hati Allah.”

Yohanes 3:27

Timbas Yohanes, “Conyiant siku' urakng pan inyo ulih monguti' la'apo pan aman Allah kinyo moonju'nyo.

Yohanes 6:45

Di dalapm Buku boko nabi, ado tulisan ni'in: ‘Allah paca'an moajari sia' somuo.’ Jadi, somuo urakng inyo mondinga' huatan bolajar doi' Allah Bopai, sia' datakng ko aku.

Yohanes 6:65

Lalu Yesus bopandir agi', “Nianam sobabnyo Aku momadahan ni'in ko kolai: Conyiant siku' pan ulih datakng ko aku, kocuali aman Allah Bopai mombulah nantai tojadi.”

Kisah Boko Rasul 11:21

Tuhatn Allah kotakan monulukng sia' pakai' momboritoan Kabar Boi'. Obai nantai, banya' bondar urakng monjadi pocayo. Banya' urakng bukainyo Yahudi mula'i jumpat Tuhatn Yesus.

Roma 12:3

Allah udah moonji'i kasih karunia-Nyo ko aku jadi aku bopandir ko kaitn somuo: jangan am kaitn moanggap diri kaitn lobih pontikng doi' inyo sobondarnyo. Honda'nyo kaitn monilai diri kaitn agatn rondah hati: masikng-masikng monilai dirinyo monurut komampuan inyo di onju' Allah ko io obai io pocayo ko Yesus.

Roma 9:11

Allah bopandir ko Ribka, “Ana' inyo kojula'an tajahan monjadi hulutn ana' inyo kobunsuan.” Allah momilih Yakub sobolupm koduo bobia' nantai dilahiran, sobolupm sia' molabuhan lapopan inyo boi' damo inyo jahat. Allah molabuhan nantai oca' jolas obai Sio momilih urakng bukai sosuai agatn porbuatan sia', apo sosuai agatn kohonda' Sio siku'.

Roma 9:16

Jadi, Allah momilih urakng bukainyo obai urakng nantai honda', ongko bukainyo obai urakng nantai bousaha bulah koboi'an, apo Allah momilih urakng obai Sio honda' monunju'an bolas-kasihan ko urakng nantai.

1 Korintus 12:6

Ado bomacapm mujisat. Apo bayo ado siku' Allah inyo mongorojoan somuonyo dalapm somuo urakng.

1 Korintus 15:10

Apo obai koboi'an hati Allah, Sio udah bulah aku monjadi sama'an watu ni'in. Koboi'an hati inyo Allah udah labuhan nantai kinyo bopasal. Malahan, aku bokorojo koras momboritoan Kabar Boi', lobih koras daripado somuo rasul inyo bukai. Apo sobondarnyo aku kinyo molabuhan nantai agatn kokuatan siku'. Aku mampu molabuhan nantai bayo obai koboi'an hati Allah monyoroto'i aku.

2 Korintus 3:5

Aku co bomasud obai koi ado komampuan siku' inyo bulah koi sanggup molabuhan polayatan ni'in. Apo, koi sanggup obai kuaso Allah.

Efesus 1:11

Allah mongorojoan somuo hal sosuai agatn kohonda'-Nyo huatan koputusan-Nyo siku'. Doi' mulonyo, Sio udah ado tujuan pakai' momilih koi. Jadi, di dalapm Kristus, Allah mombulah koi monjadi umat-Nyo.

Efesus 1:5

Allah mongasihi kito. Jadi, doi' somulo, Sio momilih kito pakai' monjadi boko poana'an-Nyo obai porbuatan Yesus Kristus. Allah molabuhan somuo nantai obai nian sosuai agatn kohonda'-Nyo huatan monyonangan hati-Nyo.

Efesus 1:9

Obai Allah udah momandiran ko kito roncana-Nyo, inyo komai kinyo dikotohu'i monsio. Doi' mulonyo, Allah udah monontuan obai roncana-Nyo paca'an dilabuhan molalu'i Kristus. Roncana-Nyo nantai sosuai agatn kohonda'-Nyo huatan monyonangan hati-Nyo.

Efesus 2:8

Obai kaitn disolamant'an obai Allah monunju'an kasih karunia-Nyo ko kaitn huatan obai kaitn pocayo ko Kristus Yesus. Nantai bukainyo boko hal inyo kaitn usahaan, apo boko hal inyo Allah onju' ko kaitn.

2 Tesalonika 1:11

Obai Allah mombalas somuo urakng agatn adil, koi hala mondoa'an kaitn. Koi bodoa oca' Allah moanggap kaitn cucu' pakai' ditingkau-Nyo. Koi pan bodoa oca' kuaso Allah monulukng kaitn pakai' molabuhan somuo inyo kaitn labuhan. Koi pan bodoa oca' Allah moonji'i kokuatan pakai' molabuhan somuo inyo kaitn labuhan obai pocayo ko Yesus.

2 Timotius 1:9

Allah udah monyolamant'an huatan momilih kito, oca' kito hidup husus pakai' Sio. Sio molabuhan nantai bukainyo obai kito udah bulah koboi'an. Apo obai nantai udah hajat huatan koboi'an-Nyo. Koboi'an nantai Sio onju' molalu'i Kristus Yesus sobolupm dunia ni'in dipulah.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

1 Petrus 1:3

Topujicam Allah, ia'an Bopai doi' Yesus Kristus, Tuhatn kito. Allah udah monunju'an koboi'an-Nyo inyo luar biaso ko kito agatn caro ni'in: Sio bulah Yesus Kristus hidup agi' doi' antaro urakng mati. Molalu'i nantai, Sio moonju' kohidupan boharu ko kito samo sama'an kito hoyu' lahir. Obai nantai, hal ni'in moonji'i kito pongharapan inyo kuat.