Filipi 1:7 - Porjanjian Boharu Torjomahan Baso Dilakng Soari-ari

⁷ Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Filipi 1:7 ပူးပေါင်းရင်းမြစ်များ

Kisah Boko Rasul 20:23

Aku bayo tohu ni'in. Timpu aku botula' doi' kota ko kota, Roh Allah udah momadahan ko aku, nononyo aku paca'an dimansu'an ko dalapm ponjara. Aku pan paca'an moalapi ajab sonsaro.

Kisah Boko Rasul 21:33

Lopas jadi komandatn pasukan nantai datakng, io monyiuh oca' Paulus ditangkap. Jadi, Paulus dikobat agatn duo rantai. Ongko, komandatn pasukan nantai botakutn, “Sopo urakng ni'in? Kosalahan la'apo inyo udah dilabuhannyo?”

1 Korintus 13:7

Urakng inyo mongasihi nantai ia'an urakng inyo ulih tahatn mohadapi la'apo pan. Io hala pocayo. Io hala yakitn huatan boharap ko Allah dalapm somuo koadaan. Io hala sabar mohadapi la'apo pan.

1 Korintus 9:23

Aku hidup agatn somuo caro nantai oca' lobih banya' urakng monorima' Kabar Boi' nantai. Huatan oca' aku ulih monorima' somuo borokat inyo dijanjian dalapm Kabar Boi' nantai.

2 Korintus 3:2

Obai, kaitn siku' samo agatn surat inyo momuji koi. Jadi, kaitn samo sama'an surat inyo ditulis dalapm hati koi. Inyo ulih dikotohu'i ongko dibaco ulih sotiap urakng.

2 Korintus 7:3

Aku bopandir ubo nantai bukainyo pakai' monyalahan kaitn. Obai ubo nantaiam inyo udah kalo ku padahan, koi kotakan mongasihi kaitn. Kito ninam kawal sohidup somati.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Efesus 3:1

Nantaiam sobabnyo aku, Paulus ditamoan ko dalapm ponjara obai molayati Kristus Yesus momboritoan Kabar Boi' ko kaitn boko urakng bukainyo urakng Yahudi. Obai aku molabuhan nantai, jadi aku

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

Efesus 6:20

Memang aku diutus pakai' momboritoan Kabar Boi' nantai. Nianam alasannyo aku ditamoan ko dalapm ponjara. Jadi, bodoacam oca' aku borani momadahan Kabar Boi' nantai, sama'an inyo gola' ku labuhan.

Filipi 1:12

Boko somadikan, memang aku moalapi boboropo kosusahan. Apo, aku honda' kaitn mongotohu'i obai boko hal ni'in mombulah oca' lobih banya' urakng mondinga' ongko pocayo agatn Kabar Boi'.

Filipi 1:13

Jadi, alasanku ditamoan ko dalapm ponjara udah jolas bagi somuo urakng di si'itn, tomansu' somuo projurit inyo monjago tompat ku ditahatn dalapm istana rajo ni'in. Somuo sia' tohu obai aku di ponjara obai aku molayati Kristus.

Filipi 1:14

Solaitn nantai, watu ku di ponjara, aku monjadi toladatn bagi boko somadikan kito inyo pocayo ko Tuhatn Yesus. Kobanya'an doi' sia' monjadi mongkitn borani momboritoan Kabar Boi'. Sia' co gola' momadahan Pomandiran Allah nantai.

Filipi 1:5

Aku bosukur ongko sonang-nyamanam ubo nantai obai doi' mulonyo kaitn pocayo sampai watu ni'in kaitn bokorojo samo agatn aku oca' Kabar Boi' ulih diboritoan.

Filipi 2:22

Kaitn siku' udah tohu obai Timotius kotakan boguno. Io udah bogota' humpas-pulas bosamo agatn aku pakai' momboritoan Kabar Boi'. Io monulukngku samo sama'an ana' monulukng bopainyo.

Filipi 4:14

Apo, boi' jam kaitn udah monulukng ku di dalapm koadaan uyuh ni'in.

Filipi 4:15

Boko somadikanku di Filipi! Kaitn siku' udah tohu obai watu ku mula'i momboritoan Kabar Boi', pas aku botula' doi' propinsi Makedonia, conyiant jomaat inyo bukai inyo bokorojo samo agatn aku pakai' hala moonji'i ongko monorima' borokat. Bayo kaitn inyo mondukukng ku agatn caro nantai.

Filipi 4:3

Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.

Kolose 4:18

Salapm doi' aku, Paulus. Aku monulis salapm ni'in agatn jariku siku'. Jangan tongkolupatn obai aku ija' di dalapm ponjara! Aku bodoa oca' Tuhatn moonji'i koboi'an ko kaitn.

Kolose 4:3

Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

2 Timotius 1:8

Jadi, jangan malu momboritoan mongona'i Tuhatn kito. Jangan malu mongona'i aku inyo dimansu'an ko dalapm ponjara obai molayati Sio. Apo, agatn kokuatan doi' Allah, tuyutcam ajab sonsaro obai pomboritoan Kabar Boi' nantai.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.

Filemon 1:13

Sobondarnyo, aku honda' oca' io totap bosamo agatn aku. Io ulih monggonti'i kolai pakai' monulukng ku somanah aku ija' di dalapm ponjara obai aku momboritoan Kabar Boi'.

Ibrani 3:1

Obai nantai boko somadikan, inyo ditingkau jam monjadi boko urakng inyo husus umputn Allah, kaitn gola' bondar-bondar momporhatian Yesus inyo kito tuyut'i. Sio diutus Allah. Sio monjadi Imam Agukng kito.

1 Petrus 4:13

Apo, soharusnyo kaitn sonang obai kaitn mondorita' samo ubo Kristus jam. Agatn ubo nantai, kaitn tajahan sonang jam nononyo watu Sio datakng lalu monyatoan obai Sio bokuaso.

1 Petrus 5:1

Ko somuo ponotua' jomaat di antaro kaitn aku moonju' nosihat ni'in: Aku ninam ponotua' inyo momimpitn kolompok urakng pocayo samo sama'an kaitn. Agatn matoku siku', aku udah moniant Kristus mondorita'. Huatan nononyo Kristus paca'an datakng lalu monunju'an obai Sionam inyo bokuaso. Timpu nantai, aku pan tuyut dapat komulia'an jam. Jadi, aku minto kotakng sangant:

2 Petrus 1:13

Aku mooso nantai tugasku pakai' moingant'an kaitn mongona'i boko hal nantai somanahan ku ija' hidup di dunia ni'in.

1 Yohanes 3:14

Apo kito mongasihi somadikan kito. Obai nantai, kito tohu obai kito kinyo dikuaso'i komatian agi', apo kito udah borubah. Kito mondapat'an hidup inyo sobondarnyo. Urakng inyo co mongasihi, rotinyo io ija' dikuaso'i komatian.