Filipi 1:6 - Porjanjian Boharu Torjomahan Baso Dilakng Soari-ari

⁶ Allah udah mula'i pokoroja'an inyo boi' ko kaitn. Aku yakitn Sio tajahan torus mongorojoan nantai udah jadiam watu ari Kristus Yesus datakng agi'.

Filipi 1:6 ပူးပေါင်းရင်းမြစ်များ

Yohanes 6:29

Timbas Yesus ko sia', “Ni'in pokoroja'an inyo dikohonda'i Allah: ia'an oca' kaitn pocayo ko Io inyo udah diutus Allah.”

Kisah Boko Rasul 11:18

Niannam inyo dikisahan Petrus di Yerusalem ko boko urakng Yahudi inyo pocayo. Jadi, sia' tongga'am monyalahan Petrus. Sobali'nyo, sia' momuji Allah. Kato sia', “Wah! Ruponyo, Allah monorima' urakng bukainyo Yahudi jam. Allah udah moonji'i kosompatan ko sia' pakai' sia' botongga' bulah dosa ongko monuruti Sio. Agatn caro nantai, sia' jam ulih mondapat'an hidup inyo somanah-manahnyo di sorugo.”

Kisah Boko Rasul 16:14

Salah siku' doi' sia' nantai ponjual koitn ungu inyo mahal. Damonyo Lidia. Io boasal doi' kota Tiatira. Io nantai bukai urakng Yahudi apo udah monjadi urakng inyo pocayo agatn Allah. Watu Paulus mongajar boko botina' nantai, Tuhatn bulah hati Lidia monorima' ajaran Paulus. Jadi, io pocayo ajaran Paulus mongona'i Yesus.

1 Korintus 1:8

Sio jam paca'an monguat'an hati kaitn sampai pado ahir joman. Sio paca'an molabuhan nantai oca' kaitn kinyo dianggap salah timpu Yesus Kristus, Tuhatn inyo bokuaso atas kito datakng bobali'.

2 Korintus 1:15

Obai aku yakitn kaitn paca'an bangga ko koi, jadi aku bohajat pakai' monjongu' kaitn duo kali, oca' kaitn diborokati duo kali. Hajatnyo aku holu monjongu' kaitn,

2 Korintus 2:3

Nantai sobabnyo, daripado aku datakng, lobih boi' aku monulis surat holu ko kaitn. Aku co honda' datakng lalu kaitn mombulah ku salu'. Obai soharusnyo kaitn nam inyo bulah aku sonang-nyamanam! Jadi aku monulis surat holu, obai aku yakitn aman aku rindakng, jadi kaitn tajahan rindakng jam.

2 Korintus 7:16

Jadi, aku sonang-nyamanam obai aku ulih pocayo agatn kaitn dalapm la'apo pan.

2 Korintus 9:4

Apobilo ado boko urakng Makedonia inyo tuyutku nononyo, lalu sia' moniant obai sumbakan kaitn bolupm siap, jadi koi paca'an malu. Kaitn pan paca'an malu jam dalapm hal nantai.

Galatia 5:10

Apo Tuhatn bulahku yakitn obai kaitn kinyo paca'an pocayo ko ajaran inyo bukainyo doi' ajaranku. Allah paca'an mohukupm sopo pan urakngnyo inyo mongacauan pikiran kaitn.

Efesus 4:12

Kristus moonji'i boko komampuan nantai oca' sia' ulih mombulah somuo urakng bukai inyo pocayo monjadi mampu pakai' molayati Sio. Agatn sama'an nantai, soluruh jomaat botumbuh huatan monjadi kuat dalapm Kristus.

Filipi 1:10

agatn caro nantai kaitn ulih momilih lapo inyo kotakng boi'. Agatn ubo nian, hidup kaitn tajahan borosih doi' dosa. Kaitn co tajahan disalahan watu ari Kristus datakng agi'.

Filipi 1:29

Obai, Allah udah moonji'i kosompatan ko kaitn bukainyo bayo pakai' pocayo ko Kristus, apo pakai' mondorita' obai Kristus jam.

Filipi 2:12

Boko somadikanku inyo ku kasihi, kaitn hala monaati Allah. Jadi, totap gola' ongko mohormati Sio kapikng kaitn bousaha hidup agatn caro inyo cucu' pakai' boko urakng inyo udah disolamant'an. Kaitn gola' molabuhan nantai bukai aja' sama'an komai timpu aku bosamo agatn kaitn apo lobih agi' watu ni'in watu aku co bosamo agatn kaitn.

Filipi 2:13

Obai, Allah siku' bokorojo di dalapm kaitn. Sio moonju' ko kaitn kohonda' ongko komampuan pakai' monyonangan Sio.

Filipi 2:16

Ia'an nantai, kaitn monunju'an ko sia' Pomandiran Allah inyo moonji'i hidup inyo sobondarnyo. Aman kaitn hidup sama'an nian, aku tajahan bangga watu ari Kristus datakng agi' obai kaitn monjadi buti obai polayatan ku kinyo pocumo. Ado hasil doi' pogota'an humpas-pulasku.

Kolose 2:12

Obai watu kaitn dibaptis dalapm damo Yesus, kohidupan kaitn inyo manah nantai udah mati, ubonyo kaitn dipasar bosamo-samo agatn Kristus. Apo kaitn pocayo obai kuaso Allah udah bulah Kristus bobali' hidup doi' komatian. Obai nantai, kaitn pan dionji'i kohidupan inyo boharu.

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

2 Tesalonika 1:11

Obai Allah mombalas somuo urakng agatn adil, koi hala mondoa'an kaitn. Koi bodoa oca' Allah moanggap kaitn cucu' pakai' ditingkau-Nyo. Koi pan bodoa oca' kuaso Allah monulukng kaitn pakai' molabuhan somuo inyo kaitn labuhan. Koi pan bodoa oca' Allah moonji'i kokuatan pakai' molabuhan somuo inyo kaitn labuhan obai pocayo ko Yesus.

2 Tesalonika 3:4

Koi yakitn Tuhatn paca'an monulukng kaitn. Koi yakitn kaitn tongahan molabuhan somuo inyo koi ajaran ko kaitn. Kaitn paca'an torus molabuhan nantai jam.

Filemon 1:21

Aku monulis surat ni'in obai aku yakitn kolai tajahan taat. Aku tohu kolai tajahan molabuhan lobih doi' nantai agi'.

Ibrani 10:35

Obai nantai, jangannam kaitn monyorah. Aman kaitn totap kuat pocayo, jadi nononyo kaitn tajahan bodapat upah bosar.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

2 Petrus 3:10

Tuhatn pasti datakng huatan kodatakan-Nyo nantai samo sama'an pongolit. Kinyo ado urakng inyo tohu arinyo. Pado ari nantai paca'an ado bunyi inyo hebat huatan co paca'an ado langit agi'. Somuo hal inyo ado di langit paca'an lobur tocucul. Bumi huatan somuo hal inyo ado di dalapmnyo paca'an hilakng lonyap jam.