Filipi 1:5 - Porjanjian Boharu Torjomahan Baso Dilakng Soari-ari

⁵ Aku bosukur ongko sonang-nyamanam ubo nantai obai doi' mulonyo kaitn pocayo sampai watu ni'in kaitn bokorojo samo agatn aku oca' Kabar Boi' ulih diboritoan.

Filipi 1:5 ပူးပေါင်းရင်းမြစ်များ

Kisah Boko Rasul 2:42

Sia' hala tuyut somuo ajaran boko rasul. Somuo sia' opat bokumpul bosamo boko urakng bukai inyo pocayo. Sia' opat makatn huatan bodoa bosamo.

Roma 11:17

Apo ado boboropo urakng Yahudi inyo kinyo pocayo ko Yesus. Sia' samo sama'an boko dahatn inyo udah dipatahan doi' kayu nantai. Apo kaitn urakng bukainyo urakng Yahudi inyo pocayo samo sama'an tunas doi' batakng jaitun inyo liar inyo gonti boko dahatn nantai. Samo sama'an tunas dicangkokan ongko ulih hidup doi' gotah urat kayu jaitun nantai, ubo nian jam kaitn monjadi umant Allah ongko mondapat borokat doi' somuo inyo dijanjian ko boko urakng Yahudi inyo potamo.

Roma 12:13

Tulukngcam kopontikan boko urakng inyo pocayo ko Kristus. Kaitn gola' hala sonang hati monorima' urakng pocayo dalapm rumah kaitn.

Roma 15:26

Obai, boko jomaat di doerah Makedonia ongko Akhaya udah mombulah koputusan pakai' moonji'i sumbakan nantai pakai' monulukng urakng pocayo inyo jaro di Yerusalem.

1 Korintus 1:9

Allah hala sotia momonuhi janji-Nyo. Sio inyo udah moningkau kaitn pakai' bosokutu agatn Ana'-Nyo, ia'an Yesus Kristus, Tuhatn inyo bokuaso atas kito.

2 Korintus 8:1

Boko somadikan, koi honda' momadahan ko kaitn mongona'i caro Allah monunju'an koboi'an-Nyo ko boko jomaat di propinsi Makedonia ni'in.

Efesus 3:6

Sama'an ni'in hajat Allah nantai: Sio mombulah caronyo oca' boko urakng bukainyo urakng Yahudi dapat borokat samo sama'an urakng Yahudi jam. Aman sia' pocayo kabar boi' mongona'i Kristus, sia' monjadi satu umant bosamo agatn urakng Yahudi inyo pocayo. Sia' samo-samo dapat monorima' somuo inyo dijanjian, Allah molalu'i Kristus Yesus.

Filipi 1:12

Boko somadikan, memang aku moalapi boboropo kosusahan. Apo, aku honda' kaitn mongotohu'i obai boko hal ni'in mombulah oca' lobih banya' urakng mondinga' ongko pocayo agatn Kabar Boi'.

Filipi 1:16

Sia' tohu obai Allah momilihku pakai' mombela Kabar Boi' tohadap urakng inyo molawatnnyo. Jadi, sia' honda' momboritoan mongona'i Kristus obai sia' mongasihi Allah ongko aku.

Filipi 1:27

Lapo ja' inyo tojadi ko aku, inyo pontikng ia'an kaitn hidup sosuai agatn Kabar Boi' mongona'i Kristus. Agatn ubo nian, aman aku ulih datakng botomu agatn kaitn damo cuku datakng ongko bayo mondinga' mongona'i kaitn, jadi aku tajahan tohu obai kaitn totap kuat pocayo. Aku tajahan tohu kaitn bosatu hati ongko bojuakng bosamo pakai' kopocaya'an inyo sosuai agatn Kabar Boi' nantai.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Filipi 2:12

Boko somadikanku inyo ku kasihi, kaitn hala monaati Allah. Jadi, totap gola' ongko mohormati Sio kapikng kaitn bousaha hidup agatn caro inyo cucu' pakai' boko urakng inyo udah disolamant'an. Kaitn gola' molabuhan nantai bukai aja' sama'an komai timpu aku bosamo agatn kaitn apo lobih agi' watu ni'in watu aku co bosamo agatn kaitn.

Filipi 2:22

Kaitn siku' udah tohu obai Timotius kotakan boguno. Io udah bogota' humpas-pulas bosamo agatn aku pakai' momboritoan Kabar Boi'. Io monulukngku samo sama'an ana' monulukng bopainyo.

Filipi 4:3

Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.

Filemon 1:17

Jadi, aman kolai moanggap aku somadikan soiman kolai, torima' cam Onesimus agi' samo sama'an kolai monorima' aku jam.

Ibrani 3:14

Obai, kito bokorojosamo agatn Kristus aman kito hala kuat pocayo ko Sio. Samo sama'an mulonyo, kito gola' totap kuat pocayo sampai ahir hidup kito.

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.

1 Yohanes 1:3

Koi momboritoan ko kaitn mongona'i somuo inyo koi tiat huatan inyo koi dinga', oca' kaitn paca'an bosatu hati agatn koi. Kosatuan inyo koi pulah ia'an koi bosatu agatn Allah Bopai huatan agatn Ana'-Nyo, Yesus Kristus.

1 Yohanes 1:7

Apo, aman kito hidup di dalapm torakng, samo agatn Allah hidup dalapm torakng, jadi kito pan mondapat kosatuan agatn inyo bukainyo. Kito pan diborosihi doi' boko dosa kito obai darah Yesus, Ana'-Nyo.