Filipi 1:26 - Porjanjian Boharu Torjomahan Baso Dilakng Soari-ari

²⁶ Jadi, watu aku bobali' ko kaitn nononyo, kaitn tajahan mooso mongkitn bangga obai Kristus Yesus mombulah oca' nantai ulih tojadi.

Filipi 1:26 ပူးပေါင်းရင်းမြစ်များ

Yohanes 16:22

Ubo nian jam agatn kaitn. Watu ni'in kaitn salu'. Apo Aku paca'an botomu agi' agatn kaitn. Timpu nantai, hati kaitn paca'an sonang. Conyiant ado siku' urakng pan inyo ulih monguti' kosonangan kaitn nantai.

Yohanes 16:24

Sampai watu ni'in, kaitn bolupm minto lapopan dalapm damo-Ku. Mintocam, lalu kaitn paca'an monorima'. Kaitn paca'an monorima' oca' sonang-nyamanam kaitn monjadi sompurna.

2 Korintus 5:12

Koi co bogoyap pujian doi' kaitn. Apo, koi honda' moonji'i alasan inyo boi' ko kaitn pakai' momuji koi di hadapan boko urakng inyo biaso momuji diri mongona'i boko hal inyo kotiat'an, bukainyo mongona'i hati.

2 Korintus 7:14

Sobolupm Titus monjongu' kaitn, aku momadahannyo ko io obai kaitn nam urakng inyo boi'. Jadi, kaitn co bulah aku malu. Koi hala momadahan boko hal inyo bondar ko kaitn. Ubo nian jam, somuo koboi'an kaitn inyo koi padahan ko Titus, somuo nantai tonyato bondar jam.

2 Korintus 7:4

Aku borani bopandir ko kaitn agatn torus-torakng. Apo, aku pan bangga bondar agatn kaitn. Biar pan koi mohadapi banya' pondorita'an, kaitn kotakan monguat'an hati koi. Jadi, hati koi kotakan sonang-nyaman.

2 Korintus 7:6

Apo Allah inyo monguat'an hati urakng inyo putus asa. Sio monguat'an hati koi agatn kodatakan Titus.

Galatia 6:4

Jadi, jangan mombandikan diri kaitn agatn urakng bukai. Poriso'icam porbuatan kaitn siku'. Agatn caro nantai, kaitn ulih bangga obai porbuatan kaitn siku', bukai obai kaitn moanggap diri kaitn lobih boi' doi' urakng bukai.

Filipi 3:1

Ahirnyo, boko somadikanku, kaitn sonang-nyamancam di dalapm Tuhatn. Bilo apo mo aman aku monulis agi' mongona'i boko hal ni'in ko kaitn. Boko hal ni'in monjago oca' kaitn totap hidup sosuai agatn kohonda' Tuhatn.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

Filipi 4:10

Aku kotakan sonang-nyamanam dalapm Tuhatn obai ahirnyo kaitn ulih monunju'an obai kaitn momporhatianku. Memang kaitn hala momporhatianku, apo komai kaitn bolupm ado kosompatan monunju'annyo.

Filipi 4:4

Somuo kaitn gola' hala sonang-nyamanam di dalapm Tuhatn! Sokali agi' ku padahan: Sonang-nyamancam!