Filipi 1:23 - Porjanjian Boharu Torjomahan Baso Dilakng Soari-ari

²³ Aku ditari' di antaro koduo hal nantai! Aku honda' moninggalan dunia ni'in lalu diapm bosamo agatn Kristus. Memang nantai lobih boi' bagi ku.

Filipi 1:23 ပူးပေါင်းရင်းမြစ်များ

Lukas 12:50

Aku gola' ija' moalapi ajab sonsaro inyo kotakan borat. Watu ni'in Aku kotakng salu'. Aku paca'an totap salu' sampai ajab sonsaro nantai jadi.

Lukas 23:43

“Pocayocam,” kato Yesus ko io, “Ari ni'in kolai tajahan sosamo agatn Aku di sorugo.”

Lukas 8:38

Urakng inyo udah dinyamani doi' boko roh jahat nantai mominto oca' io ulih tuyut. Apo, Yesus monyiuh io pulakng. Kato-Nyo,

Yohanes 12:26

Aman ado urakng inyo honda' molayati-Ku, io gola' tuyut-Ku. Io paca'an ado di tompat inyo samo agatn Aku. Allah Bopai paca'an mohormati sotiap urakng inyo molayati-Ku.

Yohanes 13:1

Sobolupm Ari Rayo Paskah, Yesus udah tohu obai udah datakng watu-Nyo pakai' Sio moninggalan dunia ni'in lalu bobali' ko Allah Bopai. Yesus mongasihi kolompok urakng di dunia inyo monjadi umputn-Nyo. Sio hala mongasihi sia' sampai ari toahir Sio ado di dunia.

Yohanes 14:3

Lopas Aku botula' monyodia'an tompat pakai' kaitn, Aku paca'an bobali' agi' lalu mombaba' kaitn ko tompat nantai. Aku paca'an molabuhan nantai oca' di mono Aku ado, di santai jam kaitn ado.

Yohanes 17:24

Oi Bopai, mongona'i somuo murid inyo udah Duatn onju' ko aku, kohonda' Ku oca' sia' bosamo agatn Aku, di mono kodiapan-Ku nononyo. Agatn ubo nantai, sia' ulih moniant obai Duatn mombulah Ku monjadi mulia, obai Duatn mongasihi Aku sobolupm dunia ni'in dipulah.

Kisah Boko Rasul 7:59

Timpu boko urakng monikapi Stefanus agatn batu, io bodoa, “Tuhatn Yesus, torima'cam rohku.”

2 Korintus 5:8

Apo hati koi totap kuat. Koi lobih sonang mati, moninggalan bukakng-tubuh ni'in, lalu hidup bosamo-samo Tuhatn di sorugo.

2 Korintus 6:12

Koi kotakan mongasihi kaitn kinyo tobatas. Apo kaitn monahan kasih kaitn tohadap koi.

Filipi 1:24

Apo kaitn lobih pontikng aku totap diapm di dunia ni'in.

1 Tesalonika 2:1

Boko somadikan, kaitn udah tohu obai sobolupm koi monjongu' kaitn, koi momboritoan Kabar Boi' di kota Filipi. Watu nantai, koi dihanyam huatan di dorako'i. Apo Allah kito monulukng koi pakai' datakng ko kaitn pakai' momboritoan Kabar Boi' doi' Allah. Kaitn udah tohu kunjukan koi ko kaitn nantai kotakan bohasil.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

1 Tesalonika 4:17

Lopas nantai, kito inyo ija' hidup paca'an diangkat ko pucu' awatn sosamo agatn sia'. Kito paca'an botomu Tuhatn di langit. Doi' watu nantai sampai somanah-manahnyo, kito paca'an bodiapm sosamo agatn Sio.

2 Timotius 4:6

Aku moonji'i boko potunju' nantai ko kolai obai kinyo manah agi' aku paca'an mati. Ni'in, aku siap monyorahan hidupku samo sama'an urakng monyorahan kurbatn posombahan ko Allah.

Wahyu 14:13

Lalu aku mondinga' saro doi' sorugo bopandir ko aku. Katonyo, “Tuliscam pomandiran ni'in: Mula'i watu ni'in, diborokatiam boko urakng inyo mati dalapm koadaan sotia pocayo ko Tuhatn Yesus.” Roh Allah pan sotuju. Kato-Nyo, “Au, bondar nantai. Sia' mati oca' sia' ulih torahat doi' jorih-uyuh pokoroja'an sia'. Sia' diborokati obai somuo porbuatan boi' sia' mombulah sia' cucu' mondapat'an upah di sorugo.”