Filipi 1:21 - Porjanjian Boharu Torjomahan Baso Dilakng Soari-ari

²¹ Obai, bagiku, aman aku hidup, aku hidup pakai' Kristus. Aman aku mati, aku untukng.

Filipi 1:21 ပူးပေါင်းရင်းမြစ်များ

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

2 Korintus 5:1

Koi co putus asa, obai koi tohu ni'in: Bukakng-tubuh kito di dunia ni'in samo sama'an potungguan bayo pakai' somontaromo. Aman potungguan kito rusa', kito paca'an mondapat'an rumah di sorugo inyo paca'an tahatn somanah-manahnyo. Rumah nantai doi' Allah, kinyo dipulah monsio.

2 Korintus 5:6

Obai nantai hati koi mooso kuat. Koi tohu obai somanahan koi ija' diapm di dalapm bukakng-tubuh koi ni'in, koi jouh doi' rumah inyo tajahan koi kodiapi bosamo Tuhatn.

2 Korintus 5:8

Apo hati koi totap kuat. Koi lobih sonang mati, moninggalan bukakng-tubuh ni'in, lalu hidup bosamo-samo Tuhatn di sorugo.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Galatia 6:14

Apo aku kinyo buhau agatn porbuatan la'apo pan inyo aku labuhan. Aku bayo sonang agatn porbuatan Yesus Kristus. Sio mati di kayu salib pakai' mombuka' jalatn oca' urakng ulih disolamant'an. Sio nantai Tuhatn kito, ia'an kito inyo pocayo ko Sio. Obai nantai, ubonyo aku pan disaliban tohadap somuo hal inyo duniawi. Aku kinyo morogo'i boko hal inyo dirogo'i boko urakng inyo ado di dunia ni'in. Boko urakng inyo ado di dunia ni'in pan kinyo morogo'i boko hal inyo aku rogo'i.

Filipi 1:20

Aku kotakng honda' ongko moharap'an obai aku co bulah boko-lapo inyo bulah ku monjadi malu di hadapan Tuhatn. Apo aku boharap aku tajahan monjadi borani watu ni'in samo sama'an aku hala borani sobolupmnyo. Agatn ubo nantai, aman aku mati damo hidup, Kristus tajahan dimuliaan agatn lapo ja' inyo tojadi ko bukakng-tubuhku.

Filipi 1:22

Apo, aman aku hidup di dunia ni'in, polayatanku tajahan kotakng boguno. Jadi, aku co tohu mono inyo gola' ku pilih ia'an hidup damo mati.

Filipi 1:23

Aku ditari' di antaro koduo hal nantai! Aku honda' moninggalan dunia ni'in lalu diapm bosamo agatn Kristus. Memang nantai lobih boi' bagi ku.

Filipi 2:21

Somuo urakng bukai bayo momporhatian kopontikan sia' siku' bukainyo kopontikan Yesus Kristus.

Wahyu 14:13

Lalu aku mondinga' saro doi' sorugo bopandir ko aku. Katonyo, “Tuliscam pomandiran ni'in: Mula'i watu ni'in, diborokatiam boko urakng inyo mati dalapm koadaan sotia pocayo ko Tuhatn Yesus.” Roh Allah pan sotuju. Kato-Nyo, “Au, bondar nantai. Sia' mati oca' sia' ulih torahat doi' jorih-uyuh pokoroja'an sia'. Sia' diborokati obai somuo porbuatan boi' sia' mombulah sia' cucu' mondapat'an upah di sorugo.”