Filipi 1:14 - Porjanjian Boharu Torjomahan Baso Dilakng Soari-ari

¹⁴ Solaitn nantai, watu ku di ponjara, aku monjadi toladatn bagi boko somadikan kito inyo pocayo ko Tuhatn Yesus. Kobanya'an doi' sia' monjadi mongkitn borani momboritoan Kabar Boi'. Sia' co gola' momadahan Pomandiran Allah nantai.

Filipi 1:14 ပူးပေါင်းရင်းမြစ်များ

Markus 3:3

Yesus bopandir ko urakng inyo longannyo mati sopia' nantai, “Mara, bodiritncam ko tongah!”

2 Korintus 3:12

Obai koi yakitn moharap'an mongona'i hal nantai, jadi koi borani momboritoan mongona'i Pojanjian Boharu nantai.

2 Korintus 7:4

Aku borani bopandir ko kaitn agatn torus-torakng. Apo, aku pan bangga bondar agatn kaitn. Biar pan koi mohadapi banya' pondorita'an, kaitn kotakan monguat'an hati koi. Jadi, hati koi kotakan sonang-nyaman.

Efesus 3:13

Obai nantai, aku momuhun oca' kaitn jangan putus asa biar pan aku ditamoan ko dalapm ponjara. Aku mondorita' sama'an nantai obai aku molayati kaitn. Apo somuo pondorita'an ku nantai pakai' koboi'an kaitn.

Filipi 1:20

Aku kotakng honda' ongko moharap'an obai aku co bulah boko-lapo inyo bulah ku monjadi malu di hadapan Tuhatn. Apo aku boharap aku tajahan monjadi borani watu ni'in samo sama'an aku hala borani sobolupmnyo. Agatn ubo nantai, aman aku mati damo hidup, Kristus tajahan dimuliaan agatn lapo ja' inyo tojadi ko bukakng-tubuhku.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Filipi 4:1

Obai nantai, boko somadikan inyo ku kasihi, kaitn gola' totap kuat pocayo agatn Yesus. Aku togonangan kaitn somuo. Kaitn mombulahku sonang-nyamanam. Aku sonang obai kaitn ia'an hasil polayatanku samo sama'an mahkota inyo ku dapat.

Kolose 4:4

Bodoacam oca' aku ulih monyampaian hajat Sio nantai sojolas-jolasnyo.

Kolose 4:7

Aku moutus somadikan inyo ku kasihi, Tikhikus, ko kaitn. Io paca'an momadahan ko kaitn somuo kabar mongona'i aku. Io nantai kawal boi' dalapm pokoroja'an molayati Tuhatn. Io molayati agatn sotia.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.