Filipi 1:10 - Porjanjian Boharu Torjomahan Baso Dilakng Soari-ari

¹⁰ agatn caro nantai kaitn ulih momilih lapo inyo kotakng boi'. Agatn ubo nian, hidup kaitn tajahan borosih doi' dosa. Kaitn co tajahan disalahan watu ari Kristus datakng agi'.

Filipi 1:10 ပူးပေါင်းရင်းမြစ်များ

Matius 16:23

Yesus mongilikng ko Petrus. Kato-Nyo, “Jangan kolai monjadi sama'an Rajo Sitatn mohalak-halaki Aku momonuhi roncana Allah. Kolai sonjumpat'an pikiran monsio, bukainyo pikiran Allah!”

Matius 26:33

Petrus bopandir ko Yesus, “Mungkitn somuo kawal inyo bukai paca'an moninggalan Duatn, apo pasti aku cado!”

Yohanes 1:47

Kato Filipus ko io, “Hincapm! Tiatcam numbo!” Watu Yesus moniant Natanael datakng, Sio bopandir mongona'i Natanael. Kato-Nyo, “Tiat! urakng ni'in asli urakng Israel! Kinyo ado kopalsuan dalapm dirinyo.”

Yohanes 3:20

Somuo urakng inyo bulah kojahatan, sia' bonci'an torakng. Sia' co datakng ko torakng obai torakng bulah porbuatan sia' inyo jahat kotiat'an.

Kisah Boko Rasul 24:16

Obai nantai, aku hala bousaha oca' hati nuraniku borosih di hadapan Allah huatan monsio.

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

Roma 12:9

Kaitn somuo gola' bobondar mongasihi urakng bukai. Jangan bayo pompadah. Kaitn gola' bonci' agatn inyo jahat ongko molabuhan inyo boi'.

Roma 16:17

Boko somadikan. Aku kotakng muhun ko kaitn oca' kaitn boboi'cam agatn boko urakng inyo honda' bulah popocahan di antaro kaitn. Sia' honda' oca' kaitn monjadi sosat. Ajaran sia' bolawatan agatn ajaran inyo udah ditorima' kaitn. Jangan tuyut sia'!

Roma 2:18

Kaitn diajar doi' Hukupm Torat sampai kaitn mongotohu'i kohonda' Allah huatan mongotohu'i la'apo inyo bondar huatan la'apo inyo salah.

Roma 7:16

Aku bulah kojahatan biar pan aku co honda' molabuhannyo. Apo, obai aku kinyo honda' bulah kojahatan, jadi nantai monunju'an aku sotuju obai Hukupm Torat nantai boi'.

Roma 7:22

Dalapm diriku, aku honda' somuo porintah huatan poraturan Allah dalapm Hukupm Torat.

Roma 8:7

obai sia' bomusuhan agatn Allah. Sia' co monuruti boko porintah Allah. Malahan, sia' culihnyo monuruti boko porintah Allah.

1 Korintus 1:8

Sio jam paca'an monguat'an hati kaitn sampai pado ahir joman. Sio paca'an molabuhan nantai oca' kaitn kinyo dianggap salah timpu Yesus Kristus, Tuhatn inyo bokuaso atas kito datakng bobali'.

1 Korintus 10:32

Jangan molabuhan sosuatu inyo monyinggukng hati urakng bukai, boi' nantai urakng Yahudi, sama'an nian jam urakng Yunani huatan boko urakng dalapm kolompok urakng inyo pocayo ko Yesus.

1 Korintus 8:13

Obai nantai, aman la'apo inyo aku pua'i bulah salah siku' doi' sia' bodosa, aku co paca'an bopua' dagikng agi' soumur hidupku. Bolai'ku bulah urakng bukai inyo pocayo bodosa.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

2 Korintus 2:17

Obai, banya' urakng momboritoan Pomandiran Allah pakai' mondapat'an kountukan. Apo, koi co sama'an sia'. Koi momboritoan Pomandiran Allah agatn hati inyo tulus. Koi momboritoan sobagai urakng inyo diutus Allah, urakng inyo bopandir di hadapan Allah, urakng inyo hidup dalapm Kristus.

2 Korintus 6:3

Koi kinyo honda' polayatan koi disalahan. Obai nian, koi bousaha kinyo moonji'i alasan ko sosopo pan pakai' molabuhan hal nantai.

2 Korintus 8:8

Aku momadahan nantai bukainyo sobagai porintah. Aku momadahan mongona'i bantu'an doi' boko urakng di Makedonia sobagai contoh pakai' kaitn. Agatn ubo nian aku honda' mouji aman kaitn bondar-bondar mongasihi boko somadikan kaitn inyo bukai.

Galatia 5:11

Aku ija' didorako'i ulih sia' inyo pocayo obai boko urakng gola' disunant oca' ditorima' Allah. Jadi, pasti aku kinyo momboritoan mongona'i sunant. Aku momboritoan mongona'i caro Yesus mati di kayu salib pakai' mombuka' jalatn kosolamant'an. Soandainyo aku momboritoan mongona'i sunant daripado mongona'i komatian Yesus nantai, ongko aku kinyo paca'an bulah sia' godi sama'an aku agi'.

Efesus 4:15

Apo kito pocayo agatn kuat ajaran inyo bondar huatan agatn hati inyo mongasihi urakng bukai. Agatn sama'an nantai, kito botumbuh monjadi samo sama'an Kristus, pomimpitn kito. Sio samo sama'an kopala'

Efesus 5:10

Kaitn gola' bousaha bolajar la'apo inyo monyonangan Tuhatn.

Efesus 5:27

Agatn sama'an nantai, Kristus mombulah oca' sia' ulih bodiritn di hadapan-Nyo sobagai jomaat inyo mulia, kinyo bodosa, kinyo ado kosalahan la'apo pan. Sia' bondar-bondar monjadi borosih huatan kinyo ulih disalahan.

Efesus 6:24

Aku bodoa oca' Sio monunju'an kasih karunia ko kaitn somuo inyo mongasihi Tuhatn kito Yesus Kristus agatn kasih inyo kinyo tohu botongga'.

Filipi 1:16

Sia' tohu obai Allah momilihku pakai' mombela Kabar Boi' tohadap urakng inyo molawatnnyo. Jadi, sia' honda' momboritoan mongona'i Kristus obai sia' mongasihi Allah ongko aku.

Filipi 1:6

Allah udah mula'i pokoroja'an inyo boi' ko kaitn. Aku yakitn Sio tajahan torus mongorojoan nantai udah jadiam watu ari Kristus Yesus datakng agi'.

Filipi 2:16

Ia'an nantai, kaitn monunju'an ko sia' Pomandiran Allah inyo moonji'i hidup inyo sobondarnyo. Aman kaitn hidup sama'an nian, aku tajahan bangga watu ari Kristus datakng agi' obai kaitn monjadi buti obai polayatan ku kinyo pocumo. Ado hasil doi' pogota'an humpas-pulasku.

1 Tesalonika 3:13

Koi bodoa oca' ni'inan Tuhatn monguat'an hati kaitn. Jadi, pas Yesus, Tuhatn kito agatn boko urakng suci umputn Sio, nononyo datakng, Allah Bopai kito moanggap kaitn kinyo bosalah huatan suci.

1 Tesalonika 5:21

Apo ditoliti somuo hal apobai bondar-bondar doi' Allah kata'an cado. Kaitn gola' pocayo agatn boko hal inyo boi'.

1 Tesalonika 5:23

Ni'inan koi bodoa ko Allah inyo moonji'i kito sonang-asau huatan bulah kaitn mongkitn lobih suci dalapm somuo hal. Koi bodoa mudahan kinyo ado boko hal inyo jahat dalapm soluruh roh kolai, jiwa kolai huatan bukakng-tubuh kolai, timpu Yesus, Tuhatn kito nononyo datakng agi' ko dunia ni'in.

1 Yohanes 4:1

Boko somadikanku inyo tokasih, udah ado banya' nabi palsu di dunia ni'in. Obai nantaiam, jangannam pocayo agatn somuo urakng inyo mongatoan obai Roh Allah ado di inyo. Apo poriso'icam lobih holu ajaran sia' nantai pakai' mongotohu'i aman roh inyo ado di inyo boasal doi' Allah kata'an cado.

Wahyu 2:2

Aku tohu somuo inyo kaitn labuhan, ia'an kaitn bojuakng, kaitn botahatn mohadapi ajab sonsaro. Aku tohu obai kaitn molawatn boko urakng jahat. Kaitn udah mouji boko urakng inyo mongaku' dirinyo rasul, padohal bukainyo. Kaitn udah sadar sia' tumbukan.