Filemon 1:8 - Porjanjian Boharu Torjomahan Baso Dilakng Soari-ari

⁸ Obai nantai, sobagai somadikan inyo sosamo pocayo di dalapm Kristus aku ulih momorintah kolai molabuhan la'apo pan, inyo gola' kolai labuhan,

Filemon 1:8 ပူးပေါင်းရင်းမြစ်များ

2 Korintus 10:8

Aku co malu aman aku tolalu bangga agatn kuaso inyo Tuhatn onju' ko koi. Obai, Tuhatn moonju' kuaso ko koi pakai' monulukng kaitn lobih kuat pocayo, bukainyo pakai' moruntuhan kopocaya'an kaitn.

2 Korintus 11:21

Koi co boulahan kaitn ubo nian. Dalapm hal sama'an nantai koi memang lomah. Apo aman boko urakng totontu nantai borani momuji diri sia' jadi aku pan borani jam. (Rotinyo aku bopandir samo sama'an urakng inyo budu!)

2 Korintus 3:12

Obai koi yakitn moharap'an mongona'i hal nantai, jadi koi borani momboritoan mongona'i Pojanjian Boharu nantai.

Efesus 5:4

Jangan momakai kato-pandir kinyo boi', kato-pandir inyo kinyo boguno, kato-pandir jahat. Boko hal nantai kinyo cucu' jam. Sobali'nyo, kaitn gola' moucap sukur ko Allah.

1 Tesalonika 2:6

Koi pan co kalo bogoyap pujian doi' monsio boi' doi' kaitn honda' pan doi' urakng bukai. Koi ado hak pakai' monuntut la'apo inyo koi pontikan doi' kaitn obai koi ni'in rasul Kristus.