Filemon 1:7 - Porjanjian Boharu Torjomahan Baso Dilakng Soari-ari

⁷ Somadikanku! Kolai udah monyegaran hati boko urakng inyo husus umputn Allah. Obai kasih kolai nantai, jadi aku kotakan sonang bondar huatan hati ku botambah somangant.

Filemon 1:7 ပူးပေါင်းရင်းမြစ်များ

1 Korintus 16:18

Obai, sia' monyonangan hatiku, samo sama'an sia' monyonangan hati kaitn. Obai nantai, hormaticam sia' huatan urakng bukai samo sama'an sia'.

2 Korintus 7:13

Obai hasil nantai, jadi hati koi dikuatan. Solaitn nantai, koi pan sonang bondar agatn moniant obai Titus sonang. Obai, kaitn somuo bulah hatinyo tenang.

2 Korintus 7:4

Aku borani bopandir ko kaitn agatn torus-torakng. Apo, aku pan bangga bondar agatn kaitn. Biar pan koi mohadapi banya' pondorita'an, kaitn kotakan monguat'an hati koi. Jadi, hati koi kotakan sonang-nyaman.

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

1 Tesalonika 2:19

Koi kotakan togonang honda' botomu kaitn obai kaitn bulah koi bangga huatan rindakng-rigah, timpu kodatakan Yesus.

1 Tesalonika 3:9

Obai nantai, koi kotakng rindakng-rigah. Jadi, watu koi bodoa di hadapan Allah, koi kotakng bosukur mongona'i kaitn.

2 Timotius 1:16

Apo Onesiforus kinyo malu obai aku ditahatn dalapm ponjara. Watu io ado di kota Roma ni'in, io bousaha koras pakai' monggoyapi aku. Lopas udah monomuan aku, io opat datakng mongkongkanti'i aku. Kolai udah tohu io opat jam molayati di kota Efesus. Obai nantai, aku bodoa oca' Tuhatn monunju'an kasih-Nyo ko io pado ari Tuhatn mohakipi somuo urakng huatan monunju'an kasih ko somuo urakng inyo monotap dalapm rumahnyo.

Filemon 1:20

Oi, Somadikanku! Ku harap kolai monjadi boguno bagiku obai kito somadikan dalapm Tuhatn Yesus Kristus. Hiburcam hatiku agatn monorima' Onesimus agi'.

2 Yohanes 1:4

Aku kotakan sonang mondinga' obai sobagi'an doi' poana'an kolai monuruti porintah inyo Allah Bopai onju' ko kito, ia'an pakai' hidup sosuai agatn ajaran inyo bondar.