Filemon 1:20 - Porjanjian Boharu Torjomahan Baso Dilakng Soari-ari

²⁰ Oi, Somadikanku! Ku harap kolai monjadi boguno bagiku obai kito somadikan dalapm Tuhatn Yesus Kristus. Hiburcam hatiku agatn monorima' Onesimus agi'.

Filemon 1:20 ပူးပေါင်းရင်းမြစ်များ

1 Korintus 16:18

Obai, sia' monyonangan hatiku, samo sama'an sia' monyonangan hati kaitn. Obai nantai, hormaticam sia' huatan urakng bukai samo sama'an sia'.

2 Korintus 2:2

Obai, aman aku bulah hati kaitn salu', sopo ulih bulah hatiku rindakng? Conyiant urakng bukai cuali kaitn nam, inyo udah ku pulah salu'!

2 Korintus 7:13

Obai hasil nantai, jadi hati koi dikuatan. Solaitn nantai, koi pan sonang bondar agatn moniant obai Titus sonang. Obai, kaitn somuo bulah hatinyo tenang.

Filipi 1:8

Jadi, Allah tohu obai aku togonangan kaitn somuo obai aku mongasihi kaitn samo sama'an Kristus Yesus mongasihi kaitn.

Filipi 4:1

Obai nantai, boko somadikan inyo ku kasihi, kaitn gola' totap kuat pocayo agatn Yesus. Aku togonangan kaitn somuo. Kaitn mombulahku sonang-nyamanam. Aku sonang obai kaitn ia'an hasil polayatanku samo sama'an mahkota inyo ku dapat.

Filemon 1:12

Aku kotakan mongasihi io, apo ni'in aku monyiuh io bobali' ko kolai.

Filemon 1:7

Somadikanku! Kolai udah monyegaran hati boko urakng inyo husus umputn Allah. Obai kasih kolai nantai, jadi aku kotakan sonang bondar huatan hati ku botambah somangant.

Ibrani 13:17

Kaitn gola' monaati boko pomimpitn kaitn. Tundu'cam ko sia'. Obai, sia' inyo bojago-jago agatn jiwa kaitn. Sia' gola' botanggukng jawab ko Allah pakai' polayatan sia' nantai. Taat'icam sia' oca' sia' ulih molayati agatn sonang hati. Aman kaitn kinyo monaati sia', sia' paca'an salu' ongko nantai kinyo boguno pakai' kaitn.

1 Yohanes 3:17

Sopo pan inyo hidupnyo dampu, huatan io pan moniant somadikannyo jaro uyuh, apo io co honda' monulukng urakng nantai, ubo apo kasih Allah ado dalapm dirinyo!

3 Yohanes 1:4

Conyiant ado hal bukai inyo bulah ku lobih sonang daripado mondinga' obai boko poana'anku hidup sosuai agatn ajaran inyo bondar.