Efesus 6:9 - Porjanjian Boharu Torjomahan Baso Dilakng Soari-ari

⁹ Ko boko habakng aku momadahan: kaitn pan gola' boi' hati ko boko hulutn kaitn. Jangan hala moancapm sia'. Ingantcam! Tuhatn di sorugo ia'an Tuhatn inyo bokuaso di pucu' sia' ongko kaitn. Sio kinyo momihak ko boko urakng totontu.

Efesus 6:9 ပူးပေါင်းရင်းမြစ်များ

Matius 22:10

Lalu boko hulutn nantai botula' ko boko jalatn mohundakng somuo urakng inyo di tomu'inyo, ia'an boko urakng jahat huatan boko urakng boi'. Lalu, banya' bondar boko urakng inyo dihundakng nantai datakng.

Matius 22:8

Lopas nantai, io bopandir ko boko hulutnnyo, ‘Pogai kawitn udah siap. Apo boko urakng inyo dihundakng tontai kinyo cucu'.

Matius 24:48

Apo, soumpamonyo hulutn tontai jahat, io paca'an bopandir di dalapm hatinyo,

Matius 24:51

Pasti habakngnyo nantai paca'an mombunuh hulutn nantai, lalu ditikapannyo ko tompat hukupan pakai' somuo urakng inyo pompadah boi' nantai. Di siatan sia' paca'an monangis ongko bokorit gigi obai kotakan ajab sonsaro.”

Matius 7:12

“Bulahcam koboi'an ko urakng bukai, samo sama'an kaitn kohonda'i urakng bukai molabuhannyo ko kaitn. Nantaiam isi doi' somuo porintah huatan poraturan Allah inyo ditulis dalapm Hukupm Torat huatan buku boko nabi.

Lukas 6:31

Pulah koboi'an ko urakng bukai, samo ubo kaitn mongohonda'i urakng bukai molabuhannyo ko kaitn.

Yohanes 13:13

Kaitn moningkau Aku, ‘Guru’ huatan ‘Tuhatn’. Nantai bondar, obai Aku memang Guru huatan Tuhatn.

Kisah Boko Rasul 10:34

Jadi, Petrus bopandir, “Ni'inan aku bondar-bondar mongoroti obai Allah kinyo bayo mongasihi sobuti' banso molobihi doi' banso bukai.

Roma 2:11

Obai, Allah kinyo momihak boko urakng totontu.

1 Korintus 7:22

Obai, watu siku' urakng hulutn ditingkau Tuhatn, io monjadi siku' urakng bebas dalapm pomandakan Tuhatn. Ubo nian jam, watu siku' urakng bebas ditingkau, io monjadi siku' urakng hulutn inyo molayati Kristus.

Kolose 3:25

Sio paca'an mohukupm sotiap urakng inyo bulah kosalahan. Sio kinyo poduli urakng nantai pontikng kata'an cado.

Kolose 4:1

Ko somuo habakng aku bopandir: kaitn gola' moulahan boko hulutn kaitn agatn bondar huatan adil. Ingantcam! Kaitn pan ado Habakng di sorugo inyo bokuaso di kaitn.

Yakobus 2:13

Watu ari ponghakipan Allah co paca'an monunju'an koboi'an ko urakng inyo co monunju'an koboi'an. Apo, boko urakng inyo monunju'an koboi'an, sia' co gola' dihukupm.

Yakobus 2:8

Jangan tongkolupatn, dalapm Buku Suci ado porintah ni'in, “Kasihicam sosamo kolai ubo kolai mongasihi diri kolai siku'.” Aman kaitn monaati porintah nian, kaitn monyonangan hati Allah.

Yakobus 5:4

Pikirancam mongona'i porbuatan kaitn. Ado boko urakng inyo bokorojo mohanyi di boko lakau kaitn. Apo kaitn co mombayar upah sia'. Jadi, sia' mongoluh minto potulukan doi' Tuhatn inyo Maho Kuaso. Sio mondinga' sia' huatan siap mohukupm kaitn.