Efesus 6:8 - Porjanjian Boharu Torjomahan Baso Dilakng Soari-ari

⁸ Kaitn tohu obai somuo urakng, ia'an hulutn damo urakng bebas, aman sia' bulah koboi'an, jadi sia' paca'an monorima' balasan doi' Tuhatn.

Efesus 6:8 ပူးပေါင်းရင်းမြစ်များ

Kolose 3:24

Ingantcam! Kaitn paca'an monorima' borokat doi' Tuhatn. Sobondarnyo, kaitn molayati Kristus. Sio nantai Tuhatn kaitn.

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.

2 Korintus 5:10

Obai, nononyo kito somuo gola' mohadap tahta Kristus pakai' diadili. Sotiap urakng tajahan monorima' balasan sotimpal agatn porbuatannyo di dunia ni'in, ia'an porbuatannyo inyo boi' damo inyo jahat.

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 6:4

Ongko bayo Allah Bopai kaitn inyo ulih mongotohu'i hal nantai, kinyo urakng bukai. Ongko, Sio paca'an moonji'i upah ko kaitn.”

Ibrani 10:35

Obai nantai, jangannam kaitn monyorah. Aman kaitn totap kuat pocayo, jadi nononyo kaitn tajahan bodapat upah bosar.

Ibrani 11:26

Io bopikir mongona'i upah inyo dionju' Allah nononyo. Obai nantai, io mooso aman io dihanyam demi Rajo Inyo Dijanjian Allah, hal nantai lobih borogo daripado somuo kodampuan di nogori Mesir inyo ulih monjadi umputn io.

Galatia 3:28

Kaitn somuo monjadi satu dalapm Kristus Yesus. Allah kinyo monyongkayoan antaro urakng Yahudi damo urakng bukainyo Yahudi; antaro hulutn damo urakng bebas; antaro lolaki damo botina'.

Matius 6:1

“Boboi'cam timpu kaitn molabuhan porbuatan boi' inyo sosuai agatn agama. Jangan molabuhan porbuatan nantai di hadapan urakng oca' ditiat sia'. Obai aman kaitn bulah sama'an nian, Bopai kaitn di sorugo kinyo paca'an moonji'i upah ko kaitn obai porbuatan boi' nantai.

Matius 5:12

Joman komai, boko nabi Allah pan dipoulahan sama'an nantai jam. Jadi, rindakng-rigahcam obai kaitn paca'an bodapat upah bosar di sorugo!”

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Kolose 3:25

Sio paca'an mohukupm sotiap urakng inyo bulah kosalahan. Sio kinyo poduli urakng nantai pontikng kata'an cado.

Matius 20:7

Kato sia' ko io, ‘Obai nyiant ado urakng inyo moonji'i pokoroja'an ko koi.’ Katonyo ko sia', ‘Kaitn botula' bokorojo ja'am di kobutn anggurku.’