Efesus 6:5 - Porjanjian Boharu Torjomahan Baso Dilakng Soari-ari

⁵ Ko boko hulutn aku momadahan: kaitn gola' monurut agatn habakng kaitn inyo ado di dunia ni'in. Tundu' ko sia' agatn hormat huatan hati inyo jujur, samo sama'an caro kaitn monaati Kristus.

Efesus 6:5 ပူးပေါင်းရင်းမြစ်များ

Efesus 5:22

Ko boko botina' inyo udah kawitn aku momandiran: kaitn gola' mohormati laki samo sama'an kaitn mohormati Tuhatn.

1 Petrus 3:2

Sia' dapat pocayo aman sia' moniant porbuatan kaitn inyo tulus huatan kaitn mohormati sia'.

Filemon 1:16

Masud ku, io bukainyo bayo pacal kolai. Io lobih doi' nantai. Watu ni'in, io nam somadikan soiman inyo tokasih. Aku udah mongasihi io. Nononyo kolai pan gola' mongasihi io lobih doi' nantai agi', obai io nam pacal kolai huatan obai kaitn somadikan di dalapm Tuhatn.

Filipi 2:12

Boko somadikanku inyo ku kasihi, kaitn hala monaati Allah. Jadi, totap gola' ongko mohormati Sio kapikng kaitn bousaha hidup agatn caro inyo cucu' pakai' boko urakng inyo udah disolamant'an. Kaitn gola' molabuhan nantai bukai aja' sama'an komai timpu aku bosamo agatn kaitn apo lobih agi' watu ni'in watu aku co bosamo agatn kaitn.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

1 Korintus 7:22

Obai, watu siku' urakng hulutn ditingkau Tuhatn, io monjadi siku' urakng bebas dalapm pomandakan Tuhatn. Ubo nian jam, watu siku' urakng bebas ditingkau, io monjadi siku' urakng hulutn inyo molayati Kristus.

Matius 8:9

Aku tohu mo mongona'i kuaso obai aku siku' pan ado pomimpitn inyo gola' ku taat'i. Aku pan ado ana' buah ia'an boko projurit. Aman aku monyiuh salah siku' pakai' botula', ongko pasti io botula'. Aman aku monyiuh inyo bukainyo pakai' datakng, ongko pasti io datakng. Aman aku monyiuh hulutnku pakai' mongorojoan sosuatu, pasti io mongorojoannyo.”

Matius 6:24

“Co mungkitn siku' urakng hulutn bokorojo pakai' duo urakng habakng. Aman io molabuhan hal nantai, io bayo paca'an mongasihi salah siku' habakngnyo apo bonci' agatn inyo siku'nyo. Io bayo paca'an sotia ko siku' habakng, apo kinyo sotia agatn inyo siku'nyo. Ubo nian jam agatn kaitn. Co mungkitn kaitn monjadi hulutn Allah huatan co mungkitn monjadi hulutn kodampuan kaitn.”

Efesus 6:24

Aku bodoa oca' Sio monunju'an kasih karunia ko kaitn somuo inyo mongasihi Tuhatn kito Yesus Kristus agatn kasih inyo kinyo tohu botongga'.

2 Korintus 7:15

Watu ni'in, io mongkitn mongasihi kaitn. Obai, io moingant kaitn monorima' io agatn hormat huatan kaitn somuo taat.

1 Korintus 2:3

Somanahan aku bosamo agatn kaitn, aku lomah. Aku bogogora' obai gola'.

Kisah Boko Rasul 2:46

Sotiap ari sia' bokumpul di tongahlamanan Rumah Allah, pusat kogiatan koagamaan urakng Yahudi. Sia' bokumpul agatn sohati sopikiran. Sia' pan opat hala mohundakng pakai' makatn bosamo di boko rumah sia', huatan sia' morayaan Porjamuan Kudus jam. Sia' molabuhan somuo nantai agatn tulus hati huatan kotakan rindakng,

Matius 6:22

“Mato samo sama'an pompolitoan pakai' bukakng-tubuh. Aman mato urakng boi', boroti somuo bukakng-tubuhnyo torakng.

Roma 9:3

obai banya' urakng Yahudi co honda' pocayo ko Kristus. Malahan aku rela tokutu', topisah doi' Kristus soandainyo hal nantai mombulah sia' monjadi solamant. Obai sia' nam boko somadikanku siku', sosamo banso Israel.