Efesus 6:23 - Porjanjian Boharu Torjomahan Baso Dilakng Soari-ari

²³ Boko somadikan, aku bodoa oca' Allah Bopai ongko Tuhatn Yesus Kristus moonji'i sonang-asau ko kaitn huatan mombulah kaitn mongkitn mongasihi huatan mongkitn pocayo ko Sio.

Efesus 6:23 ပူးပေါင်းရင်းမြစ်များ

Galatia 6:16

Aku bodoa oca' Allah moonji'i sonang-asau ko somuo urakng inyo hidup sama'an nantai. Aku bodoa oca' Allah jam monunju'an koboi'an-Nyo ko kito. Kito ninam inyo monjadi umant Allah inyo bondar.

1 Petrus 5:14

Kohonda'nyo kaitn hala monyampaian salapm kasih sobondarnyo ko boko somadikan inyo sosamo pocayo. Ko somuo kaitn inyo pocayo ko Kristus, aku bodoa oca' Sio hala moonji'i kaitn sonang-asau di dalapm polindukan-Nyo.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

1 Timotius 1:14

Apo Tuhatn kito kotakan momborokati aku agatn caro bulah aku monjadi pocayo agatn Sio huatan ulih mongasihi.

Wahyu 1:4

Ko kotujuh jomaat di doerah Asia. Doi' aku, Yohanes. Aku bodoa oca' kaitn monorima' koboi'an ongko sonang-asau doi' Allah, inyo ado watu ni'in, inyo udah ado doi' joman komai, huatan inyo ado sotorusnyo. Ongko doi' kotujuh roh inyo ado di hadapan tahta-Nyo.

1 Timotius 1:3

Watu aku botula' ko propinsi Makedonia, aku totap minto oca' kolai totap bodiapm di kota Efesus. Aku mongohonda'i sama'an nantai pakai' kolai monosihat'i boko urakng totontu oca' sia' tongga' mongajaran boko ajaran inyo monyosat'an.

2 Tesalonika 3:16

Ni'inan koi bodoa ko Tuhatn Yesus inyo moonji'i kito sonang-asau. Koi bodoa oca' dalapm somuo hal Sio hala moonji'i kaitn sonang-asau. Koi bodoa oca' Sio pan hala monyoroto'i kaitn somuo.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

1 Tesalonika 5:8

Kito hidup di dalapm torakng. Obai nantai am, kito gola' bososiap agatn bojago-jago huatan molinduki diri. Kito gola' hala molinduki diri agatn totap hala pocayo ko Yesus, hala mongasihi, huatan bondar-bondar moharap'an Yesus inyo monyolamant'an kito. Boko hal nantai samo sama'an baju bosi huatan tokulu' bosi molinduki bukakng-tubuh siku' urakng projurit.

1 Korintus 1:3

Kasih karunia ongko sonang-asau doi' Allah, Bopai kito, huatan doi' Tuhatn Yesus Kristus monyoroto'i kolai.

Yohanes 14:27

Timpu watu Aku botula', Aku moonji'i sonang-asau-Ku ko kaitn. Sonang-asau-Ku inyo Aku onju' ko kaitn, bukainyo sama'an ponyaman inyo dunia onju'. Jadi jangan golisah. Jangan gola'.

1 Timotius 5:8

Apo aman ado urakng inyo co monulukng boko koluarganyo apotolagi' kinyo monulukng koluarganyo siku' boroti io kinyo pocayo agi' ko Yesus. Io hidup agatn caro inyo lobih rusa' doi' urakng inyo bolupm pocayo.

Roma 15:33

Aku bodoa oca' Allah hala ado bosamo agatn kaitn somuo, ia'an nantai Allah inyo moonji'i sonang-nyamanam. Amin.

2 Korintus 13:11

Ahirnyo boko somadikanku bosonang nyaman cam! Bousaha cam hidup bobondar sobagai urakng inyo pocayo. Taat'icam boko nosihatku. Hidupcam sohati sopikiran, ongko hidup cam sonang-asau agatn siku'-monyiku'. Aman kaitn molabuhan nantai, jadi Allah paca'an momborokati kaitn. Sionam inyo sumber kasih ongko sonang-asau.

Efesus 6:24

Aku bodoa oca' Sio monunju'an kasih karunia ko kaitn somuo inyo mongasihi Tuhatn kito Yesus Kristus agatn kasih inyo kinyo tohu botongga'.

3 Yohanes 1:14

Aku boharap co manah agi' aku ulih monjongu' kolai lalu kito ulih bopandir bohadapan.