Efesus 6:20 - Porjanjian Boharu Torjomahan Baso Dilakng Soari-ari

²⁰ Memang aku diutus pakai' momboritoan Kabar Boi' nantai. Nianam alasannyo aku ditamoan ko dalapm ponjara. Jadi, bodoacam oca' aku borani momadahan Kabar Boi' nantai, sama'an inyo gola' ku labuhan.

Efesus 6:20 ပူးပေါင်းရင်းမြစ်များ

2 Korintus 5:20

Koi ni'in ia'an boko utusan Kristus. Molalu'i koi Allah siku' tontu-sama'an inyo moningkau urakng. Jadi, atas damo Kristus, koi momuhun, “Bodamaicam agi' agatn Allah.”

Kolose 4:4

Bodoacam oca' aku ulih monyampaian hajat Sio nantai sojolas-jolasnyo.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Kisah Boko Rasul 26:29

Kato Paulus, “Biar pan duatn pocayo dalapm watu socopat ni'in, damo manah-komanahan duatn pocayo, aku totap bodoa ko Allah oca' duatn pocayo agatn Yesus. Kinyo bayo duatn, apo somuo urakng inyo hadir inyo mondinga'an aku sari ni'in. Aku bodoa kaitn somuo monjadi samo sama'an aku. Apo aku co honda' kaitn dikobat agatn rantai bosi sama'an ni'in.”

1 Yohanes 3:16

Apo kito udah mongotohu'i caro pakai' mongasihi urakng bukai doi' contoh ni'in: Yesus Kristus monyorahan hidup-Nyo pakai' monyolamant'an kito. Jadi, kito pan gola' rela monyorahan hidup kito pakai' boko somadikan kito.

2 Timotius 1:16

Apo Onesiforus kinyo malu obai aku ditahatn dalapm ponjara. Watu io ado di kota Roma ni'in, io bousaha koras pakai' monggoyapi aku. Lopas udah monomuan aku, io opat datakng mongkongkanti'i aku. Kolai udah tohu io opat jam molayati di kota Efesus. Obai nantai, aku bodoa oca' Tuhatn monunju'an kasih-Nyo ko io pado ari Tuhatn mohakipi somuo urakng huatan monunju'an kasih ko somuo urakng inyo monotap dalapm rumahnyo.

Filipi 1:20

Aku kotakng honda' ongko moharap'an obai aku co bulah boko-lapo inyo bulah ku monjadi malu di hadapan Tuhatn. Apo aku boharap aku tajahan monjadi borani watu ni'in samo sama'an aku hala borani sobolupmnyo. Agatn ubo nantai, aman aku mati damo hidup, Kristus tajahan dimuliaan agatn lapo ja' inyo tojadi ko bukakng-tubuhku.

Efesus 6:19

Bodoa jam pakai' ku, oca' sotiap watu aku bopandir, Allah moonji'i kato-kato ko aku. Bodoa jam oca' aku borani momboritoan Kabar Boi' mongona'i hajat Allah inyo komainyo kinyo dikotohu'i monsio.

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

Efesus 3:1

Nantaiam sobabnyo aku, Paulus ditamoan ko dalapm ponjara obai molayati Kristus Yesus momboritoan Kabar Boi' ko kaitn boko urakng bukainyo urakng Yahudi. Obai aku molabuhan nantai, jadi aku

Kisah Boko Rasul 28:31

Io momboritoan mongona'i Koraja'an Allah. Io mongajar mongona'i Tuhatn Yesus, Rajo Inyo Dijanjian Allah nantai. Io momboritoan nantai agatn borani. Co nyiant inyo mohalaki io.

Kisah Boko Rasul 28:20

Nanam obainyo, aku minto pakai' botomu agatn kaitn, oca' aku ulih monjolasan alasan aku monjadi tahatan di si'itn. Aku ditangkap obai aku pocayo ko Rajo Inyo Allah janjian ko urakng Israel.”

Kisah Boko Rasul 5:29

Apo Petrus ongko boko rasul inyo bukai monimbas, “Koi gola' monaati Allah daripado kaitn.

Yudas 1:3

Boko somadikan inyo ku kasihi! Kito samo-samo disolamant'an huatan aku bondar-bondar honda' monulis ko kaitn mongona'i nantai. Apo, aku mooso gola' monulis ko kaitn pakai' monguat'an kopocaya'an kaitn. Agatn sama'an nian, aku honda' oca' kaitn totap bojuakng mompotahatan iman kito, ia'an boko ajaran bondar inyo udah disampaian ko boko urakng husus umputn Allah.

Filemon 1:10

Porminta'anku ni'in ia'an mongona'i Onesimus. Watu ku di dalapm ponjara ni'in, io monjadi samo sama'an ana'ku siku' obai aku monulukng io monjadi pocayo ko Yesus.

Kisah Boko Rasul 21:33

Lopas jadi komandatn pasukan nantai datakng, io monyiuh oca' Paulus ditangkap. Jadi, Paulus dikobat agatn duo rantai. Ongko, komandatn pasukan nantai botakutn, “Sopo urakng ni'in? Kosalahan la'apo inyo udah dilabuhannyo?”

2 Korintus 3:12

Obai koi yakitn moharap'an mongona'i hal nantai, jadi koi borani momboritoan mongona'i Pojanjian Boharu nantai.

Kolose 4:3

Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

Filemon 1:9

Apo, obai aku mongasihi kolai, soboi'nyo aku mominto ja'am. (Aku, Paulus, udah tuhoam ongkopan ni'in tongahan ditahatn dalapm ponjara obai Kristus Yesus.)