Efesus 6:18 - Porjanjian Boharu Torjomahan Baso Dilakng Soari-ari

¹⁸ Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

Efesus 6:18 ပူးပေါင်းရင်းမြစ်များ

1 Tesalonika 5:17

Hala bodoa.

Kolose 4:2

Bodoacam agatn somombondarannyo. Dalapm doa kaitn, gola' hala bososiap huatan bosukur ko Allah.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.

1 Timotius 2:1

Aku monosihat'i kolai: Inyo kotakng pontikng ia'an doa. Bodoacam pakai' diri kolai siku' ongko pakai' urakng bukai. Moucap sukurcam ko Allah obai somuo urakng,

Yudas 1:20

Apo, kaitn, boko somadikan inyo ku kasihi, bousahacam oca' kaitn botambah kuat pocayo ko ajaran inyo bondar-bondar doi' Allah. Bodoa cam dalapm Roh Allah.

Markus 14:38

Kulo gola' bojojago ongko bodoa oca' kulo co jatu' ko dalapm poncoba'an. Memang hati monsio honda' molabuhan inyo boi', apo udah baba'annyo am monsio lomah.

Lukas 21:36

Jadi, kaitn gola' hala monjago diri. Bodoacam oca' kaitn totap pocayo ko Allah, watu kaitn mohadapi ajab sonsaro inyo co manah agi' tajahan tojadi. Lalu kaitn paca'an tenang watu Ana' Monsio bobali' ko dunia ni'in, moadili somuo urakng am.”

Matius 26:41

Bojojago cam ongko bodoacam oca' kaitn totap pocayo watu dicubo'i. Memang hati kaitn honda' botahatn mohadapi coba'an, apo tobiat monsio kaitn lomah.”

Efesus 1:16

Aku co botongga' bosukur huatan bodoa pakai' kaitn.

Roma 12:12

Sonang-nyamancam obai kaitn yakitn boharap ko Tuhatn. Kaitn gola' botahatn mohadapi ajab sonsaro ongko hala bodoa.

Markus 13:33

“Kaitn gola' bojago-jago! Obai, kaitn kinyo tohu sombilo watunyo.

1 Petrus 4:7

Boko somadikan ahir dunia ni'in udah dampikam. Obai nantai, kaitn gola' kondalian diri kaitn, ongko hala siap oca' kaitn ulih bodoa.

Kisah Boko Rasul 1:14

Bosamo agatn sia' ado jam boboropo botina' tomansu' Maria (indai Yesus), ongko boko somadikan Yesus. Sia' somuo opat bokumpul pakai' bodoa. Sia' hala bodoa ongko sohati sopikiran.

Lukas 22:46

Sio monggagaian ongko bopandir ko sia', “Kaitn jangan tidu'! Bodoacam oca' kaitn co jatu' ko dalapm poncoba'an.”

Ibrani 5:7

Watu Yesus hidup di dunia ni'in sobagai monsio, Sio bodoa kapikng mondorah huatan monangis. Sio momuhun ko Allah inyo sanggup monyolamant'an-Nyo doi' komatian. Allah monimbasi doa-Nyo obai Sio hala monuruti kohonda' Allah.

2 Timotius 1:3

Aku bosukur ko Allah inyo aku layati agatn hati nuraniku inyo suci, samo agatn inyo udah dilabuhan angki-bayatnku. Aku hala bodoa pakai' kolai siakng-malapm.

Filipi 1:4

Sotiap kali aku bodoa pakai' kaitn somuo, aku hala bodoa agatn sonang-nyamanam.

Efesus 6:19

Bodoa jam pakai' ku, oca' sotiap watu aku bopandir, Allah moonji'i kato-kato ko aku. Bodoa jam oca' aku borani momboritoan Kabar Boi' mongona'i hajat Allah inyo komainyo kinyo dikotohu'i monsio.

Kisah Boko Rasul 12:5

Somanah Petrus ditahatn dalapm ponjara, boko urakng inyo pocayo agatn Yesus torus-monorus bodoa ko Allah pakai' io.

Filemon 1:5

Aku bosukur obai aku mondinga' obai kolai bondar-bondar pocayo ko Tuhatn Yesus huatan kolai pan mongasihi somuo urakng inyo husus umputn Allah.

Kisah Boko Rasul 10:2

Kornelius ongko somuo koluarganyo hala hidup taat agatn Allah. Kornelius opat moonji'i duit ko boko urakng jaro. Io pan hala bodoa ko Allah.

Kisah Boko Rasul 6:4

Oca' koi siku' ulih hala bodoa ongko torus momboritoan Kabar Boi' mongona'i Yesus.”

Efesus 3:18

Aku bodoa oca' kaitn bosamo somuo urakng inyo pocayo ulih mongoroti obai Kristus kotakng mongasihi kaitn. Kasih-Nyo kotakng luar, kotakng panjakng, kotakng tinggi, huatan kotakng dalapm.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Roma 8:15

Komainyo, kaitn samo sama'an pacal inyo ponggola'an. Apo, Roh Allah inyo dionju' ko kaitn kinyo bulah kaitn monjadi samo sama'an nantai agi'. Roh Allah bulah kaitn monjadi poana'an Allah. Obai Roh-Nyo nantai, kito moningkau, “Oi Allah! Duatn Bopaiku!”

Efesus 2:22

Obai kaitn di dalapm Kristus, jadi kaitn pan monjadi bagian rumah nantai inyo ditinjakan monjadi kodiapan Allah, ia'an Roh-Nyo tinggal di dalapmnyo.

Lukas 3:37

Lamekh ana' Metusalah, Metusalah ana' Henokh, Henokh ana' Yared, Yared ana' Mahalaleel, Mahalaleel ana' Kenan;

Kolose 1:4

Koi bosukur obai koi udah mondinga' obai kaitn pocayo ko Yesus, Rajo inyo disobut ‘Kristus’. Koi pan bosukur obai koi mondinga' kaitn mongasihi somuo urakng umant Allah.

Galatia 4:6

Obai kito boko poana'an Allah, ongko Sio moutus Roh Ana'-Nyo ko kito. Roh-Nyo mansu' ko dalapm hati kito. Roh-Nyo bulah kito bodoa somombondarnyo agatn mongatoan, ‘Bopai, oi Bopaiku’.

Lukas 3:26

Nagai ana' Maat, Maat ana' Matica, Matica ana' Simei, Simei ana' Yosekh, Yosekh ana' Yoda;

Kolose 1:3

Sotiap kali koi bodoa pakai' kaitn, koi bosukur ko Allah. Sio nantai Bopai doi' Yesus Kristus, Tuhatn kito inyo bokuaso.

Matius 17:21

Apo roh jahat inyo ubo tontai ulih ditundukng agatn bodoa huatan bopuaso.]”