Efesus 6:1 - Porjanjian Boharu Torjomahan Baso Dilakng Soari-ari

¹ Boko poana'an aku momadahan: kaitn gola' monurut agatn urakng tuho kaitn di dalapm Tuhatn. Nantai am caro hidup inyo bondar.

Efesus 6:1 ပူးပေါင်းရင်းမြစ်များ

1 Timotius 5:4

Apo boko botina' balu inyo ado ana' cucunyo, gola' ditulukng boko ana' cucunyo siku'. Boko ana' cucunyo gola' bolajar caro hidup inyo monyonangan hati Allah agatn caro monulukng koluarga sia' siku', samo sama'an sia' dikobolo timpu sia' ija' kocit.

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

Roma 7:12

Jadi, Hukupm Torat boasal doi' Allah huatan somuo porintah-Nyo nantai suci, bondar huatan boi'.

Lukas 2:51

Lopas nian Yesus pulakng sosamo agatn sia' ko kota Nazaret. Yesus totap taat agatn sia'. Indai-Nyo monyimpatn boko poristiwa inyo tojadi nantai, dalapm hatinyo.

1 Petrus 2:13

Obai Tuhatn, kaitn gola' monaati somuo urakng inyo bokuaso di dunia ni'in: Taat'i jam rajo inyo kotakan bokuaso.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.

Roma 16:2

Honda' ku padahan ko kaitn nantai oca' kaitn monyambut io agatn caro inyo pantas pakai' urakng inyo pocayo. Sambutcam io dalapm Tuhatn ongko tulukngcam io agatn kopontikannyo. Obai, io udah monulukng urakng banya', tomansu' aku.