Efesus 5:4 - Porjanjian Boharu Torjomahan Baso Dilakng Soari-ari

⁴ Jangan momakai kato-pandir kinyo boi', kato-pandir inyo kinyo boguno, kato-pandir jahat. Boko hal nantai kinyo cucu' jam. Sobali'nyo, kaitn gola' moucap sukur ko Allah.

Efesus 5:4 ပူးပေါင်းရင်းမြစ်များ

Kolose 3:8

Apo ni'in, kaitn gola' tongga' molabuhan somuo inyo ubo nantai. Jangan hagar godi. Jangan biaran oso godi monguaso'i kaitn. Jangan bonci' agatn urakng bukai. Jangan monjahai'-jahai'an urakng. Jangan mongatoan pomandiran inyo kinyo boi'.

Efesus 4:29

Aman kaitn bopandir, jangan momakai boko pandir inyo jahat. Apo pakaicam boko pandir inyo boi' pakai' monguat'an hati urakng bukai sosuai agatn kopontikan sia'. Agatn sama'an nantai boko urakng inyo mondinga' pandir nantai bodapat koboi'an.

1 Tesalonika 5:18

Bosukurcam ko Allah dalapm somuo hal. Obai nantaiam kohonda' Allah pakai' kaitn di dalapm Kristus Yesus.

2 Petrus 2:18

Obai, sia' mongajar agatn pomandiran solah-olah sia' kotakan pintar, apo sobondarnyo pomandiran sia' conyiant gunonyo. Agatn caro nantai, sia' mompongaruhi boko urakng pakai' moikuti hawa napsu inyo jahat, ia'an boko urakng inyo hoyu' pan koluar doi' kobiasa'an boko urakng inyo hidup agatn caro inyo salah.

Ibrani 13:15

Obai nantai, mara am kito hala momuji Allah ongko bosukur ko Sio molalu'i Yesus. Nantai monjadi kurbatn inyo kito posombahan ko Sio nam, kokato doi' mulut kito inyo momuji damo-Nyo.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.

Yudas 1:10

Apo boko urakng totontu nantai mohayam boko hal inyo kinyo sia' kotohu'i. Sia' bayo monjumpati boko kohonda' bukakng samo sama'an bonatakng liar inyo kinyo boakal. Boko hal nantai inyo mombulah sia' bonaso.

2 Korintus 9:15

Bosukurcam ko Allah obai poonju'-Nyo inyo kotakan borogo nantai!

Markus 7:22

bomporajoan agatn inyo bukai doi' bini damo lakinyo, monjadi sorakah, bulah kojahatan, monipu, bulah kinyo sopatn, monjadi tungi-dongki, mohanyam, monjadi buhau, monjadi uyuh diajar.

Yudas 1:13

Sia' samo sama'an golumbakng bosar inyo mombaba' apukng inyo kotor, ia'an porbuatan jahat sia' inyo soharusnyo mombulah sia' malu. Sia' sama'an boko bintakng inyo bopindah-pindah. Jadi, boko urakng nantai paca'an dihukupm somanah-manahnyo di tompat inyo kotakan potakng-hiru' inyo udah disodiaan pakai' sia'.

2 Korintus 1:11

Kaitn jam tuyut monulukng koi agatn banya' doa kaitn pakai' koi. Jadi, nononyo, timpu Allah monunju'an koboi'an-Nyo ko koi, jadi banya' urakng paca'an bosukur obai nantai.

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

2 Petrus 2:7

Apo, pado watu nantai, Allah monyolamant'an Lot doi' hukupan nantai. Lot ia'an urakng inyo hidup bondar di hadapan Allah. Lot hala mondorita'dalapm hatinyo obai io moniant caro hidup boko urakng di boko kota nantai. Sia' kinyo honda' hidup sosuai agatn porintah Allah. Sia' ongkah moikuti hawa napsu inyo jahat.

Filemon 1:8

Obai nantai, sobagai somadikan inyo sosamo pocayo di dalapm Kristus aku ulih momorintah kolai molabuhan la'apo pan, inyo gola' kolai labuhan,

1 Tesalonika 3:9

Obai nantai, koi kotakng rindakng-rigah. Jadi, watu koi bodoa di hadapan Allah, koi kotakng bosukur mongona'i kaitn.

Efesus 1:16

Aku co botongga' bosukur huatan bodoa pakai' kaitn.

Yohanes 6:23

Lopas nantai ado boboropo porohu inyo datakng doi' kota Tiberias. Boko porohu nantai datakng ko dampikng tompat Tuhatn Yesus moonji'i roti ko boko urakng banya' somamannyo lopas jadi Sio moucap'an torima' kasih ko Allah.