Efesus 5:25 - Porjanjian Boharu Torjomahan Baso Dilakng Soari-ari

²⁵ Ko somuo lolaki inyo udah kawitn aku momandiran: kaitn gola' mongasihi bini kaitn samo sama'an Kristus udah mongasihi boko urakng pocayo. Sio monyorahan diri-Nyo sampai mati

Efesus 5:25 ပူးပေါင်းရင်းမြစ်များ

1 Petrus 3:7

Ubo nian jam, kaitn boko laki: Caro hidup kaitn gola' pongorotian bosamo agatn bini. Obai, kaitn tohu bini lobih lomah doi' laki. Kaitn gola' mohormati bini obai Allah monunju'an koboi'an-Nyo ko sia' jam, ia'an sia' pan ulih mondapat hidup kokaldi sorugo. Kaitn gola' molabuhan nantai oca' conyiant ado la'apo pan inyo mohalaki doa kaitn.

Kolose 3:19

Ko somuo lolaki inyo udah bobini aku bopandir: kasihicam bini kaitn. Jangan congkit agatn io.

Efesus 5:28

Nanam caronyo laki gola' mongasihi bininyo, samo sama'an io mongasihi bukakng-tubuhnyo siku'. Aman laki mongasihi bininyo, nantai samo sama'an io mongasihi dirinyo siku'.

Efesus 5:33

Biar pan sama'an nantai, ado jam rotinyo pakai' kaitn siku'-monyiku': Sotiap laki gola' mongasihi bininyo sama'an io mongasihi dirinyo siku'. Sotiap bini gola' mohormati lakinyo.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Galatia 1:4

Yesus monyorahan diri-Nyo huatan mati di kayu salib. Agatn porbuatan nantai, Sio monyolamant'an kito doi' hukupan boko dosa kito. Sio molabuhan nantai pakai' monyolamant'an kito doi' kojahatan inyo ado di joman ni'in jam. Somuo nantai tojadi sosuai agatn kohonda' Allah.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Yohanes 6:51

Aku ninam roti hidup inyo udah turutn doi' sorugo. Urakng inyo bopua' roti ni'in paca'an hidup somanahnyo. Roti ninam isi-Ku inyo paca'an Ku sorahan pakai' boko urakng di dunia oca' sia' ulih hidup inyo sobondarnyo.”

1 Timotius 2:6

Yesus monyorahan diri sampai mati pakai' monanggukng hukupan dosa somuo urakng. Hal ni'in dibutian pas watu inyo ditontuan Allah.

Efesus 5:24

Obai nantai dalapm somuo hal bini gola' mohormati lakinyo samo sama'an boko urakng pocayo mohormati Kristus.