Efesus 5:22 - Porjanjian Boharu Torjomahan Baso Dilakng Soari-ari

²² Ko boko botina' inyo udah kawitn aku momandiran: kaitn gola' mohormati laki samo sama'an kaitn mohormati Tuhatn.

Efesus 5:22 ပူးပေါင်းရင်းမြစ်များ

Kolose 3:18

Ko somuo botina' inyo udah bolaki aku bopandir: kaitn gola' tundu' ko laki kaitn, obai nantaiam inyo cucu' di dalapm Tuhatn.

Titus 2:5

oca' sia' mongondalian diri sia', oca' sia' kinyo bulah dosa, oca' sia' rajitn moatur rumah tanggo sia', oca' sia' boi' hati, ongko oca' sia' monuruti pimpitan lakinyo. Aman sia' molabuhan inyo ubo nian urakng bukai kinyo bopandir monjahai'an Pomandiran Allah.

Efesus 5:22

Ko boko botina' inyo udah kawitn aku momandiran: kaitn gola' mohormati laki samo sama'an kaitn mohormati Tuhatn.

1 Korintus 14:34

Samo sama'an boko poraturan inyo dituruti somuo kolompok urakng pocayo. Watu kaitn bokumpul pakai' sombayakng, boko botina' gola' lolangunt. Sia' co ulih bopandir. Apo sia' gola' tundu'. Ni'in sosuai agatn pomandiran inyo ditulis di buku Hukupm Torat.

Efesus 6:5

Ko boko hulutn aku momadahan: kaitn gola' monurut agatn habakng kaitn inyo ado di dunia ni'in. Tundu' ko sia' agatn hormat huatan hati inyo jujur, samo sama'an caro kaitn monaati Kristus.

Kolose 3:1

Kaitn dionji'i kohidupan boharu samo sama'an kaitn hidup agi' bosamo-samo agatn Kristus. Obai nantai, kaitn gola' moutamoan boko hal inyo di sorugo, di mono Kristus dudu' di tompat inyo palikng tohormat di sopia' kanan Allah.