Efesus 5:19 - Porjanjian Boharu Torjomahan Baso Dilakng Soari-ari

¹⁹ popado bopandir cam agatn momakai kato-pandir doi' mazmur, puji-pujian huatan nyanyian rohani. Bonyanyi cam momuji Tuhatn agatn hati inyo rindakng.

Efesus 5:19 ပူးပေါင်းရင်းမြစ်များ

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

1 Korintus 14:26

Jadi ubo ni'in boko somadikan: Watu kaitn bokumpul pakai' sombayakng, ado inyo monyanyi lagu pujian, ado inyo moajaran sosuatu, ado inyo monyampaian sosuatu inyo Allah poniant'an ko io, ado inyo bopandir pakai baso roh, ado inyo monjolasan roti doi' pomandiran dalapm boko baso nantai. Somuo nantai gola' dilabuhan pakai' monguat'an urakng bukai.

Kisah Boko Rasul 16:25

Pas tongah malapm, Paulus ongko Silas tongahan bodoa huatan bonyanyi puji-pujian ko Allah. Somuo tahatan inyo bukai mondinga'an sia'.

Yakobus 5:13

Aman ado di antaro kaitn inyo sonsaro, io gola' bodoa minto potulukan Tuhatn. Aman ado di antaro kaitn inyo hidupnyo sonang, io gola' bonyanyi momuji Tuhatn.

Matius 26:30

Lalu, Yesus ongko boko murid-Nyo monyanyian lagu pujian ko Allah. Lopas nantai, sia' botula' ko bukit Jaitun.

Matius 15:8

‘Boko urakng ni'in bayo morogo'i Aku agatn pomandiran di bibir sia'. Padohal hati sia' kinyo bobondar honda' monyonangan hati Ku.

1 Korintus 14:15

Jadi, gola' kito molabuhan ni'in: Kito gola' bodoa momakai roh kito. Apo kito pan gola' bodoa momakai akal budi kito. Kito gola' bonyanyi pujian momakai roh kito. Apo kito pan gola' bonyanyi pujian momakai akal budi kito.

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.