Efesus 5:16 - Porjanjian Boharu Torjomahan Baso Dilakng Soari-ari

¹⁶ Gunoan cam sotiap kosompatan pakai' bulah koboi'an. Obai, joman ni'in ia'an joman inyo jahat.

Efesus 5:16 ပူးပေါင်းရင်းမြစ်များ

Kolose 4:5

Kaitn gola' hidup agatn somuo kopintar-corodi'an tohadap boko urakng inyo bolupm pocayo ko Yesus. Pakaicam sotiap kosompatan inyo ado pakai' molabuhan nantai.

Yohanes 12:35

Kato Yesus ko sia', “Torakng nantai kinyo manaham ado di antaro kaitn. Jadi, kaitn gola' bojalatn somanahan Torakng nantai totap ado, oca' potakng co monguaso'i kaitn. Urakng inyo bojalatn di dalapm potakng kinyo tohu ko mono io botula'.

Efesus 6:13

Jadi, kaitn gola' momakai somuo sonjato inyo di onju' Allah oca' watu kaitn disorakng ulih kuaso jahat, kaitn mampu botahatn molawatn nantai. Lalu, lopas kaitn bojuakng sampai ahir pakai' molawatn kuaso jahat nantai, kaitn paca'an totap kuat botahatn.

Galatia 6:10

Obai nantai, huncapm kito bulah koboi'an sotiap kali ado kosompatan. Huncapm kito bulah koboi'an ko somuo urakng, hususnyo ko sosamo urakng inyo pocayo agatn Yesus.

Roma 13:11

Kaitn gola' molabuhan somuo nantai obai kaitn mongotohu'i joman ni'in ninam boko ari toahir. Ari pakai' kito disolamant'an udah mongkitn dampikam. Jadi, kaitn gola' siap huatan bulah koboi'an samo sama'an urakng inyo huas tidu'.

Galatia 1:4

Yesus monyorahan diri-Nyo huatan mati di kayu salib. Agatn porbuatan nantai, Sio monyolamant'an kito doi' hukupan boko dosa kito. Sio molabuhan nantai pakai' monyolamant'an kito doi' kojahatan inyo ado di joman ni'in jam. Somuo nantai tojadi sosuai agatn kohonda' Allah.

1 Korintus 7:26

Obai nantai watu ajab sonsaro paca'an hagar datakng, pondapatku ia'an sotiap urakngsoboi'nyo hidup dalapm Koadaannyo sokarakng ni'in.

Efesus 6:15

Kaitn gola' siap momboritoan Kabar Boi' inyo mombaba' sonang-asau monjadi sopatu kaitn.

Matius 25:17

Ubo nian jam hulutn inyo monorima' duo ribu pingkai' duit. Io bodapat untukng duo ribu pingkai' duit agi'.