Efesus 5:15 - Porjanjian Boharu Torjomahan Baso Dilakng Soari-ari

¹⁵ Obai nantai, kaitn gola' porotian caro hidup kaitn. Jangan hidup sama'an boko urakng inyo budu, apo hidup cam sama'an urakng bohikmat.

Efesus 5:15 ပူးပေါင်းရင်းမြစ်များ

Kolose 4:5

Kaitn gola' hidup agatn somuo kopintar-corodi'an tohadap boko urakng inyo bolupm pocayo ko Yesus. Pakaicam sotiap kosompatan inyo ado pakai' molabuhan nantai.

Yakobus 3:13

Aman kaitn bopikir kaitn ado hikmat huatan pongotohuan, kaitn gola' monunju'annyo agatn caro hidup kaitn. Kaitn gola' molabuhan porbuatan inyo boi' agatn boi' hati. Obai, boi' hati datakngnyo doi' hikmat inyo bondar.

Filipi 1:27

Lapo ja' inyo tojadi ko aku, inyo pontikng ia'an kaitn hidup sosuai agatn Kabar Boi' mongona'i Kristus. Agatn ubo nian, aman aku ulih datakng botomu agatn kaitn damo cuku datakng ongko bayo mondinga' mongona'i kaitn, jadi aku tajahan tohu obai kaitn totap kuat pocayo. Aku tajahan tohu kaitn bosatu hati ongko bojuakng bosamo pakai' kopocaya'an inyo sosuai agatn Kabar Boi' nantai.

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

1 Timotius 6:9

Apo ado boko urakng inyo honda' monjadi urakng dampu. Obai nantai, watu sia' dicubo'i, sia' bulah dosa. Samo sama'an urakng kona' joyat inyo tuyut kohonda' inyo budu huatan mombohayoan. Baba'annyo, hidup sia' monjadi rusa' huatan paca'an bonaso.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

Matius 10:16

“Dinga'anbo ni'in! Aku moutus kaitn samo sama'an boko ana' domba ko boko bonatakng ganas. Obai nantai, kaitn gola' corodi' sama'an ular. Apo kaitn pan gola' tulus hati sama'an burukng daro.

1 Tesalonika 5:15

Poniant'an oca' co nyiant di antaro kaitn inyo mombalas kojahatan agatn kojahatan. Sobali'nyo bousaha pakai' hala bulah koboi'an ko boko somadikan kaitn huatan ko somuo urakng.

Lukas 24:25

Lalu Yesus bopandir ko sia' duo, “Oh, kaitn kotakng manah hoyu' mongoroti. Hati kaitn kotakng manah hoyu' pocayo somuo inyo udah dipandiran boko nabi komai mongonaꞌi Rajo Inyo Dijanjian Allah!

Galatia 3:3

Doi' watu nantai, Roh Allah moonji'i kokuatan huatan bimbikan ko kaitn oca' kaitn ulih hidup monyonangan hati Allah. Apobai kaitn bopikir watu ni'in kaitn ulih moncapai tujuan nantai agatn kokuatan siku'? Jangan kotakng budu!

Ibrani 12:25

Porotian cam oca' kaitn jangan monula' Allah inyo bopandir. Timpu joman komai Sio momporingant'i sia' di bumi ni'in. Ongko sia' inyo monula' Sio nantai, sia' dihukupm. Tolobih agi' kito! Aman kito monula' Sio inyo bopandir doi' sorugo, pasti kito tajahan dihukupm!

Matius 27:24

Ahirnyo Pilatus mooso obai usahanyo pakai' mombebasan Yesus co bohasil. Malahan, urakng banya' nantai udah honda' bulah korusuhan. Jadi, io monguti' ara'i lalu mombasu'i jarinyo di pohadapan urakng banya' nantai. Katonyo, “Aku cuku botanggukng jawab mongona'i komatian Urakng ni'in! Nian urusan kaitn ba!”

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Matius 8:4

Ongko Yesus bopandir ko io, “Jangan mongisahan hal ni'in ko sopo pan. Apo, botula'cam ko imam holu'ai pakai' momastian kolai udah nyamanam. Lopas nian onju'cam posombahan sosuai agatn porintah Musa. Nianam monjadi buti ko urakng bukai, kolai bondar-bondar udah nyamanam.”

Efesus 5:33

Biar pan sama'an nantai, ado jam rotinyo pakai' kaitn siku'-monyiku': Sotiap laki gola' mongasihi bininyo sama'an io mongasihi dirinyo siku'. Sotiap bini gola' mohormati lakinyo.

Kolose 1:9

Obai nantai, doi' koi mondinga' mongona'i kaitn, koi hala bodoa pakai' kaitn. Koi mominto oca' Allah bulah kaitn pintar-corodi' huatan mampu mongoroti boko hal inyo rohani. Agatn caro nantai, kaitn ulih mongotohu'i kohonda'-Nyo.

Galatia 3:1

Boko somadikan di Galatia. Kaitn urakng budu! Kaitn udah dikotumbuki ulih ajaran urakng bukai! Sobondarnyo aku udah kalo monorakan agatn kotakan jolas mongona'i komatian Yesus Kristus di kayu salib.

Matius 27:4

Katonyo, “Aku udah bodosa monjual urakng inyo kinyo bosalah sampai Sio dihukupm mati.” Apo sia' monimbas, “Koi co poduli. Kolai botanggukng jawab doi' porbuatan kolai siku'.”

Matius 25:2

Lima' botina' daro inyo budu, huatan lima' inyo pintar-corodi'.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.