Efesus 5:11 - Porjanjian Boharu Torjomahan Baso Dilakng Soari-ari

¹¹ Jangan kaitn jumpat molabuhan boko porbuatan urakng inyo ija' hidup dalapm kogolapan. Somuo nantai sia-sia ja'am. Apo kaitn gola' botindak oca' boko porbuatan sia' kotohuan.

Efesus 5:11 ပူးပေါင်းရင်းမြစ်များ

Roma 13:12

Malapm udah hampir laluam ongko sobontar agi' matoari tajahan moncara'. Jadi, kito gola' botongga' bulah kojahatan ongko kito gola' bulah koboi'an pakai' molawatn kuaso golap. Samo sama'an kito molongkapi diri kito agatn sonjato inyo dipakai pakai' boparakng bagi torakng.

1 Timotius 5:20

Sia' inyo bodosa gola' diolikan di hadapan jomaat. Kolai gola' moolikan sia' agatn caro nantai oca' somuo jomaat gola', lalu co honda' bulah dosa agi'.

2 Tesalonika 3:6

Boko somadikan, koi mondinga' ado urakng pocayo inyo losa' bokorojo. Sia' co honda' hidup sosuai agatn ajaran inyo koi sampaian ko kaitn. Obai koi ado hak doi' Tuhatn Yesus Kristus, koi monyiuh kaitn: Jangan bokawal agatn boko urakng inyo hidup sama'an nantai.

Roma 16:17

Boko somadikan. Aku kotakng muhun ko kaitn oca' kaitn boboi'cam agatn boko urakng inyo honda' bulah popocahan di antaro kaitn. Sia' honda' oca' kaitn monjadi sosat. Ajaran sia' bolawatan agatn ajaran inyo udah ditorima' kaitn. Jangan tuyut sia'!

Wahyu 18:4

Lalu aku mondinga' saro doi' sorugo. Kato-Nyo, “Ui, umant-Ku! Kaitn gola' rari doi' io. Koluarcam, oca' kaitn co monjumpati boko dosanyo. Oca' kaitn co jumpat dihukupm agatn boko malopotakonyo.

Titus 2:15

Ajaricam somuo ni'in ko boko urakng pocayo di pulau Kreta nantai. Padahicam ongko onji'i pomandiran ko sia' sama'an pomimpitn inyo pintar-corodi'. Jadi, jangan molongahan urakng bukai moanggap kolai co bopasal.

2 Tesalonika 3:14

Aman ado urakng inyo kinyo mongikuti boko ajaran koi dalapm surat ni'in, pontiat'ancam sopo io. Jangan bokawal agatn io oca' io monjadi malu obai kosalahannyo nantai.

Roma 6:21

Caro hidup kaitn inyo manah nantai mohasilan lapo? Watu ni'in, kaitn malu mongona'i somuo porbuatan nantai obai caro hidup nantai ongkah mombulah kaitn mati, topisah doi' Allah.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.

2 Timotius 3:5

Kotiat'annyo sia' hidup sosuai agatn kohonda' Allah. Apo sobondarnyo, sia' co honda' tundu' agatn kuaso Allah dalapm hidup sia'. Padohan mondinga'an boko urakng sama'an nantai.

Galatia 6:8

Urakng inyo hidup sosuai agatn kohonda' dirinyo siku' paca'an bonaso. Apo urakng inyo hidup sosuai agatn kohonda' Roh Allah paca'an mondapat'an hidup somanah-manahnyo doi' Roh Allah.

Lukas 3:19

Yohanes pan monogur Herodes, Rajo doerah Galilea, obai Herodes kawitn agatn Herodias, bini somadikannyo. Yohanes monogur io obai somuo kojahatannyo inyo bukai jam.

Efesus 5:7

Obai nantai, kaitn jangan jumpat bulah kojahatan bosamo agatn sia'.

Efesus 4:22

Kaitn diajar pakai' moninggalan caro hidup kaitn inyo manah nantai, ia'an kohidupan kaitn inyo monjadi rusa' obai kaitn monjumpati boko kohonda' inyo monipu kaitn.

Matius 18:15

“Aman somadikan kaitn bulah dosa, botula'cam socaro sonsiku'an ko io pakai' monosihat'i io. Aman io mondinga'an kaitn, ongko kaitn udah moarahan io agi' pakai' hidup agatn caro inyo bondar.

1 Timotius 6:5

Sia' hala botikakng co nyiant kotuntukannyo. Pikiran sia' udah rusa' sampai sia' co ulih agi' monyongkayoan inyo salah huatan inyo bondar. Sia' bopikir, aman sia' molabuhan ajaran agama mondatakan kodampuan.

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Efesus 5:12

Boko porbuatan inyo diombakan sia' nantai kotakng jahat. Aman kito kisahan pan mongona'i nantai, kito monjadi malu.

Kolose 1:12

inyo kaitn labuhan agatn rindakng-rigah huatan bosukur ko Allah Bopai. Sio inyo bulah kaitn cucu' mondapat'an sobagi'an doi' somuo inyo disodiaan Allah. Ia'an, somuo inyo Sio sodia'an pakai' umant-Nyo di Korajaan-Nyo inyo torakng.

1 Timotius 5:22

Jangan tolalu copat momilih urakng monjadi ponotua' lalu molota'an jari ko io pakai' monsahannyo. Aman ado urakng bukai bulah dosa, kolai pan jangan sonjumpat'an bulah dosa. Kolai gola' monjago diri oca' kolai hidup co bulah bodosa