Efesus 5:1 - Porjanjian Boharu Torjomahan Baso Dilakng Soari-ari

¹ Obai nantai, boko somadikan, sobagai poana'an Allah inyo dikasihi-Nyo, kaitn gola' moikuti toladatn Allah.

Efesus 5:1 ပူးပေါင်းရင်းမြစ်များ

1 Yohanes 4:11

Boko somadikanku inyo tokasih, obai Allah kotakng mongasihi kito, jadi kito pan gola' hala mongasihi.

Efesus 4:32

Apo kaitn gola' boi' hati huatan monunju'an bolas-kasihan. Kaitn gola' moamputi urakng bukai samo sama'an Allah moamputi kaitn molalu'i Kristus.

Matius 5:48

Obai nantai, jadicam kotakng boi', samo sama'an Bopai kaitn di sorugo ia'an kotakng boi'.”

Kolose 3:12

Obai nantai, hidupcam agatn caro inyo boharu. Kaitn nantai boko urakng inyo dipilih Allah, pakai' umputn Sio inyo husus huatan dikasihi-Nyo. Jadi, jadicam urakng inyo mongasihi, boi' hati, rondah hati, lomah-lombut, huatan sabar.

Yohanes 1:12

Apo ko somuo urakng inyo monorima'-Nyo, ia'an somuo urakng inyo pocayo ko Sio, Sio moonji'i hak ko sia' pakai' monjadi boko poana'an Allah.

Matius 5:45

Obai, Allah Bopai kaitn di sorugo monunju'an kasih-Nyo ko somuo urakng. Sio monumbuhan matoari pakai' urakng inyo jahat huatan urakng inyo boi'. Sio bulah hujatn turutn pakai' urakng inyo hidup bondar huatan urakng inyo hidup kinyo bondar di hadapan-Nyo. Jadi, aman kaitn botindak sama'an Sio, kaitn paca'an monjadi boko poana'an-Nyo.

Filipi 2:15

Agatn ubo nantai, kaitn hidup agatn caro inyo bondar ongko borosih. Kaitn hidup ubo poana'an Allah inyo culih disalahan biar pan kaitn ado di tongah-tongah boko urakng inyo jahat ongko co mongonal caro hidup inyo bondar. Jadi, kaitn monjadi torakng bagi sia', samo sama'an boko bintakng inyo bocohayo di dunia ni'in.