Efesus 4:9 - Porjanjian Boharu Torjomahan Baso Dilakng Soari-ari

⁹ Porotian cam dalapm ayat nantai ado kato, ‘Sio noi'’. Pasti nantai boroti sobolupmnyo Sio pan udah turutn ko tompat inyo palikng babah di bumi ni'in.

Efesus 4:9 ပူးပေါင်းရင်းမြစ်များ

Yohanes 3:13

Conyiant ado siku' pan inyo kalo noi' ko sorugo solaitn Ana' Monsio, inyo turutn doi' sorugo ko dunia ni'in.

Matius 12:40

Yunus ado di dalapm porut ikatn bosar somanah tigo ari tigo malapm. Ubo nian jam Ana' Monsio paca'an di dalapm pasaran somanah tigo ari tigo malapm.

Yohanes 6:33

Obai, roti doi' Allah ia'an Sio inyo turutn doi' sorugo, inyo moonji'i hidup inyo sobondarnyo ko boko urakng di dunia.”

Ibrani 2:9

Apo kito tiat Yesus bokuaso. Kinyo manah Allah mombulah Sio monjadi monsio inyo ‘lobih babah doi' boko molekat’. Ongko watu ni'in Sio udah ‘monjadi mulia ongko tohormat’ obai Sio mondorita' sampai mati pakai' somuo monsio. Nantai tojadi obai kasih karunia Allah.

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Ibrani 2:7

Kinyo manah Duatn mombulah kodudu'an sia' lobih babah doi' boko molekat. Duatn udah mombulah sia' monjadi mulia ongko tohormat.

Yohanes 8:14

Yesus monimbasi sia'. Kato-Nyo, “Biar pan Aku bosasi mongona'i diri-Ku sikuꞌ, kosasian-Ku totap bondar. Obai, Aku tohu doi' mono Aku datakng huatan ko mono Aku botula'. Apo kaitn co tohu doi' mono Aku datakng huatan ko mono Aku botula'.

Yohanes 6:62

Ubo apo pikiran kaitn soandainyo kaitn moniant Ana' Monsio noi' agi' ko sorugo, tompat-Nyo bodiapm sobolupmnyo?

Yohanes 6:58

Ninam roti inyo udah turutn doi' sorugo. Roti ni'in bukainyo ubo inyo dipua'i angki-bayatn kaitn. Sia' udah mati. Apo urakng inyo bopua' roti ni'in paca'an hidup somanah-manahnyo.”

Yohanes 6:51

Aku ninam roti hidup inyo udah turutn doi' sorugo. Urakng inyo bopua' roti ni'in paca'an hidup somanahnyo. Roti ninam isi-Ku inyo paca'an Ku sorahan pakai' boko urakng di dunia oca' sia' ulih hidup inyo sobondarnyo.”

Yohanes 6:41

Ado boko urakng Yahudi inyo botuta' bomamai mongona'i Yesus obai Sio bopandir: “Aku ninam roti inyo turutn doi' sorugo.”

Yohanes 6:38

Obai, Aku udah turutn doi' sorugo bukainyo pakai' molabuhan kohonda'-Ku siku', apo Aku molabuhan kohonda' Allah inyo udah moutus Aku.