Efesus 4:7 - Porjanjian Boharu Torjomahan Baso Dilakng Soari-ari

⁷ Apo Kristus moonji'i komampuan husus ko kito siku'-monyiku' sosuai agatn kohonda'-Nyo.

Efesus 4:7 ပူးပေါင်းရင်းမြစ်များ

Roma 12:3

Allah udah moonji'i kasih karunia-Nyo ko aku jadi aku bopandir ko kaitn somuo: jangan am kaitn moanggap diri kaitn lobih pontikng doi' inyo sobondarnyo. Honda'nyo kaitn monilai diri kaitn agatn rondah hati: masikng-masikng monilai dirinyo monurut komampuan inyo di onju' Allah ko io obai io pocayo ko Yesus.

1 Petrus 4:10

Allah udah monunju'an koboi'an-Nyo ko kaitn agatn moonji'i somuo kaitn komampuan husus inyo bobeda-beda. Jadi, gunoancam komampuan husus doi' Allah nantai agatn caro inyo boi', ia'an kaitn gola' monggunoan komampuan husus doi' Allah nantai oca' hala molayati urakng pocayo inyo bukai.

Efesus 3:2

Tontu am kaitn udah mondinga' mongona'i tugas nantai inyo Allah onju' ko aku. Obai kasih karunia-Nyo, Sio moutus ku pakai' molayati kaitn.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Matius 25:15

Sio mompocayoan duit nantai sosuai agatn pongulihan sia'. Sio moonju' lima' ribu pingkai' duit ko siku' hulutn. Sio moonju' duo ribu pingkai' duit ko siku' urakng hulutn inyo bukai. Sio moonju' soribu pingkai' duit ko polayatn inyo bukai agi'. Lalu io botula'.

Yohanes 3:34

Obai urakng inyo diutus Allah monyampaian boko pomandiran Allah, obai Roh Allah udah dionju' ko Sio soponuhnyo.

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

Ibrani 2:4

Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.