Efesus 4:32 - Porjanjian Boharu Torjomahan Baso Dilakng Soari-ari

³² Apo kaitn gola' boi' hati huatan monunju'an bolas-kasihan. Kaitn gola' moamputi urakng bukai samo sama'an Allah moamputi kaitn molalu'i Kristus.

Efesus 4:32 ပူးပေါင်းရင်းမြစ်များ

Markus 11:25

Aman ado urakng inyo bosalah agatn kaitn, amputicam io sobolupm kaitn bodiritn pakai' bodoa. Kaitn gola' molabuhan nantai oca' Allah Bopai kaitn di sorugo pan tajahan moamputi boko dosa kaitn. [

2 Korintus 2:10

Aman kaitn moamputi urakng inyo bulah salah, jadi aku pan moamputi urakng nantai. Watu ku moamputi urakng, aman memang ado inyo gola' diamputi, aku molabuhan nantai pakai' koboi'an kaitn somuo. Aku pan molabuhan nantai di hadapan Kristus.

Efesus 5:1

Obai nantai, boko somadikan, sobagai poana'an Allah inyo dikasihi-Nyo, kaitn gola' moikuti toladatn Allah.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Lukas 6:37

“Jangan mohakipi urakng bukai, nononyo kaitn co dihakipi Allah. Jangan monyalahan urakng bukai, nononyo kaitn kinyo disalahan Allah. Amputi kosalahan urakng bukai, nononyo kaitn diamputi Allah.

1 Korintus 13:4

Urakng inyo mongasihi ia'an urakng inyo hala sabar huatan hala bulah koboi'an agatn urakng bukai. Urakng inyo mongasihi nantai ia'an urakng inyo kinyo tungi. Io kinyo bopangkakng diri huatan kinyo buhau.

Lukas 17:4

Ongko, aman io bulah dosa ko kaitn tujuh kali dalapm soari, apo sotiap kali io monyosal agi' ongko bopandir ko kaitn, ‘Maapan aku.’ Kaitn gola' hala momaapan io sotiap kali.”

Matius 6:12

Amputicam kosalahan koi, samo sama'an koi pan moamputi sotiap urakng inyo bosalah ko koi.

1 Yohanes 2:12

Poana'anku! Aku monulisan ni'in ko kaitn obai dosa kaitn udah diamputi obai porbuatan Yesus Kristus.

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

1 Yohanes 1:9

Apo, aman kito moaku'i boko dosa kito ko Allah, Sio monunju'an obai Sio sotia huatan adil. Obai nantaiam, Sio moamputi boko dosa kito, huatan momborosihi kito doi' boko porbuatan kito inyo jahat.

2 Korintus 2:7

Jadi, ni'in, kaitn gola' moamputi io, ongko mohibur io oca' hatinyo kinyo monjadi kotakan salu' sampai bulah io putus asa.

Yakobus 5:11

Porotian bo ni'in: Boko urakng inyo totap kuat mohadapi pondorita'an, sia' nam inyo kito anggap bobondar sonang. Ingantcam mongona'i Ayub. Sio botahatn mohadapi pondorita'an. Ahirnyo, Tuhatn momborokati Ayub. Jadi, kito tohu obai Tuhatn boi' hati huatan monunju'an kasih-Nyo ko kito.

2 Korintus 6:6

Koi molayati agatn hati inyo jujur, agatn pongotohuan doi' Allah, agatn sabar, agatn boi' hati, agatn dibimbikng Roh Allah, agatn kasih inyo sobondarnyo.

Lukas 11:4

Amputicam boko dosa koi, obai koi pan moamputi sotiap urakng inyo bosalah agatn koi. Tulukngcam koi oca' koi totap monuruti Duatn watu ado inyo moncubo'i koi oca' bulah dosa.’ ”

Lukas 1:78

Somuonyo nian tajahan tojadi obai Allah kito onsi' ongko kotakng kasih. Urakng inyo bolupm mongonal Allah, samo sama'an urakng inyo tongahan di dalapm potakng, inyo mooso gola' agatn pomati Apo samo samaꞌan matoari hoyu' moncara' ongko monoraki potakng nantai, Rajo Inyo Dijanjian Allah datakng doi' sorugo monjolasan caro hidup inyo monyonangan hati Allah. Moarahan kito oca' hidup agatn damai.”

2 Petrus 1:7

Lopas nantai pan, kaitn gola' mongasihi boko somadikan kaitn bukai inyo pocayo. Kotakan toahir, kaitn gola' mongasihi somuo urakng.

Kisah Boko Rasul 28:2

Sia' monorima' koi agatn boi'. Watu nantai ari ija' hujatn huatan dingin. Jadi, sia' monokilan api pakai' koi.