Efesus 4:30 - Porjanjian Boharu Torjomahan Baso Dilakng Soari-ari

³⁰ Jangan mombulah Roh Allah salu'. Obai, Allah udah moonju' Roh-Nyo ko kaitn sobagai tando obai kaitn paca'an di solamat'an watu ahir joman.

Efesus 4:30 ပူးပေါင်းရင်းမြစ်များ

1 Tesalonika 5:19

Jangan monongga'an Roh Allah doi' pokoroja'an-Nyo di antaro kaitn.

Kisah Boko Rasul 7:51

Ongko Stefanus bopandir, “Kaitn ni'in koras kopala'! Hati kaitn co honda' pocayo ko Allah! Kolindakan kaitn co honda' mondinga' pomandiran Sio! Kaitn hala molawatn Roh Allah sama'an ubo angki-bayatn kaitn!

Roma 8:23

Huatan bukainyo aja' somuo pulahan-Nyo jam inyo mondorita', kito siku' pan mondorita' di dalapm batitn kito. Kito udah monorima' Roh Allah sobagai poonju' Allah inyo potamo, apo kito totap jam monanti Allah molopasan diri kito somuonyo agatn monjadian kito boko poana'an-Nyo

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

Markus 3:5

Yesus salu' obai sia' korikng hati. Agatn godi, Sio borotian ko sokolilikng boko urakng di santai. Lalu, kato-Nyo ko urakng inyo longannyo mati sopia'an, “Codakan longan kolai!” Pas urakng nantai monyodakan longannyo, longannyo nyamanam.

Ibrani 3:10

Nantai am sobabnyo Aku kotakng godi agatn boko urakng joman nantai. Aku bopandir: ‘Hati sia' hala monjumpati jalatn inyo salah. Sia' kinyo honda' mongonal jalatn-Ku.’

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

Ibrani 3:17

Ko sopo am Tuhatn godi somanah ompat puluh tohutn nantai? Sio godi ko sia' inyo bulah dosa lalu potukah mati di padakng pasir.

1 Korintus 15:54

Watu bukakng-tubuh kito diubah sama'an nantai, ongko pomandiran ni'in inyo totulis dalapm Buku Suci paca'an tojadi, “Kuaso komatian udah dikalahan. Tuhatn udah monang.”

Lukas 21:28

Watu kaitn moniant somuonyo ni'in mula'i tojadi, jadi yakitn huatan pocayo cam. Boharap cam soponuhnyo, obai co manah agi' kaitn paca'an disolamant'an.”

Yohanes 3:33

Apo, somuo urakng inyo pocayo agatn pomandiran-Nyo, sia' moaku'i obai Allah bondar.

Ibrani 10:29

Jadi, urakng inyo kinyo morogo'i Ana' Allah cucu' dihukupm lobih borat agi'. Urakng nantai moremehan darah Yesus inyo mombulah io monjadi borosih doi' dosanyo, ia'an darah Yesus inyo monsahan pojanjian boharu doi' Allah. Urakng nantai mohayam Roh Allah inyo monunju'an kasih karunia.