Efesus 4:3 - Porjanjian Boharu Torjomahan Baso Dilakng Soari-ari

³ Bousaha cam bondar-bondar hidup damai agatn uyakng bukai oca' kaitn totap bosatu dalapm Roh Allah.

Efesus 4:3 ပူးပေါင်းရင်းမြစ်များ

1 Korintus 1:10

Boko somadikan, agatn kuaso Tuhatn kito, Yesus Kristus, aku monosihat'i oca' kaitn bosatu hati. Jangan kaitn bosongkayo monjadi bomacapm kolompok. Apo kohonda'nyo kaitn somombondarannyo bosatu dalapm porasa'an huatan pikiran kaitn.

Ibrani 12:14

Bousahacam hidup damai agatn somuo urakng. Bousaha jam hidup borosih doi' dosa. Obai, urakng inyo kinyo borosih doi' dosa, kinyo tajahan ulih moniant Tuhatn.

Yohanes 13:34

Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

2 Korintus 13:11

Ahirnyo boko somadikanku bosonang nyaman cam! Bousaha cam hidup bobondar sobagai urakng inyo pocayo. Taat'icam boko nosihatku. Hidupcam sohati sopikiran, ongko hidup cam sonang-asau agatn siku'-monyiku'. Aman kaitn molabuhan nantai, jadi Allah paca'an momborokati kaitn. Sionam inyo sumber kasih ongko sonang-asau.

1 Tesalonika 5:13

Hormati huatan kasihicam sia' agatn somombondarannyo, obai moingant somuo hal inyo sia' labuhan. Koi pan muhun oca' kaitn somuo samo-samo hidup agatn damai.

Efesus 4:4

Obai, somuo kito inyo pocayo samo sama'an sobukakng-sotubuh. Ongkah ado siku' Roh Allah. Sama'an nian jam kaitn inyo ditingkau ado sobuah harapan inyo samo, ia'an kaitn yakitn moharap'an somuo inyo dijanjian Allah ko kito.

Efesus 4:13

Kito somuo gola' molayati inyo bukai agatn ubo nian kito monjadi kuat bosatu obai kito somongkitn pocayo huatan somongkitn mongonal Ana' Allah. Kito pan botumbuh sampai monjadi sompurna sama'an Kristus. Kito monjadi kuat pocayo sama'an urakng dewasa

Markus 3:24

Aman sobuah koraja'an topocah dalapm boko kolompok inyo hala bomusuhan, pasti koraja'an nantai tajahan bonaso.