Efesus 4:24 - Porjanjian Boharu Torjomahan Baso Dilakng Soari-ari

²⁴ oca' kaitn hidup agatn caro inyo boharu, ia'an kohidupan inyo dionju' Allah oca' kaitn mongkitn samo sama'an Sio. Masudnyo, kaitn bondar-bondar hidup bondar dihadapan-Nyo huatan hidup borosih doi' dosa.

Efesus 4:24 ပူးပေါင်းရင်းမြစ်များ

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Roma 13:14

Apo, kito gola' monjadi samo sama'an Tuhatn Yesus Kristus ongko hala monuruti Sio. Jangannam kito bopikir agi' mongona'i caronyo pakai' mongosihan kohonda' monsio.

Efesus 6:11

Kaitn gola' momakai somuo sonjato inyo dionju' Allah ko kaitn oca' kaitn dapat botahatn molawatn boko hajat inyo dipulah Rajo Sitatn pakai' monipu kaitn.

Roma 6:4

Dalapm baptisan nantai, kito mati huatan dipasar bosamo Kristus oca' kito pan mondapat'an kohidupan boharu, samo sama'an Allah Bopai mombulah Kristus bobali' hidup doi' komatian ulih kuaso-Nyo inyo mulia.

2 Korintus 3:18

Somuo kito inyo di bimbikng Roh Tuhatn, Sio torus-monorus morubah kito monjadi mongkitn samo agatn Sio. Jadi, kohidupan kito monunju'an obai Tuhatn mulia, samo sama'an mato-muho kito co ditutupi koitn ponutup nantai.

2 Korintus 4:16

Nantaiam sobabnyo koi co putus asa. Biar pan bukakng-tubuh koi cocat tuho goluam, apo hati koi doi' ari ko ari diboharu'i.

Roma 13:12

Malapm udah hampir laluam ongko sobontar agi' matoari tajahan moncara'. Jadi, kito gola' botongga' bulah kojahatan ongko kito gola' bulah koboi'an pakai' molawatn kuaso golap. Samo sama'an kito molongkapi diri kito agatn sonjato inyo dipakai pakai' boparakng bagi torakng.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

1 Petrus 2:2

Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

Roma 8:29

Doi' komai, Allah udah tohu sopo inyo tajahan dipilih Sio. Doi' komai, Sio pan udah momutusan oca' sia' monjadi sorupo agatn Ana'-Nyo, Yesus. Agatn ubo nantai, Yesus monjadi Ana'-Nyo inyo potamo di antaro banya' somadikan.

Yohanes 17:17

Pulahcam sia' monjadi husus umputn Duatn agatn momakai ajaran inyo bondar. Pomandiran Duatn nantaiam inyo bondar.

Galatia 6:15

Disunant kata'an co bosunant nantai co nyiant bedanyo. Inyo pontikng ia'an kito hidup agatn caro inyo boharu.

Galatia 3:27

Kaitn somuo inyo udah dibaptis dalapm damo Kristus. Kaitn udah monorima' Yesus samo sama'an sikuꞌ urakng inyo mongona'an pakai'an inyo boharu

1 Korintus 15:53

Obai, bukakng-tubuh kito inyo ulih bonaso gola' diubah monjadi bukakng-tubuh inyo kinyo ulih bonaso. Bukakng-tubuh kito inyo ulih mati gola' diubah monjadi bukakng-tubuh inyo kinyo ulih mati.

Efesus 2:15

Komainyo urakng Yahudi monaati somuo porintah huatan poraturan di Hukupm Torat oca' dosa sia' diamputi ongko sia' ulih bodamai agi' agatn Allah. Apo watu Kristus monjadi monsio huatan mati di kayu salib, Sio mombulah agatn caro nantai kinyo ulih di pakai' agi', obai Sio inyo monanggukng hukupan dosa somuo urakng. Agatn sama'an nantai, Sio mombulah oca' somuo urakng inyo pocayo doi' duo pihak nantai, urakng Yahudi ongko urakng bukainyo Yahudi, sia' ulih bodamai agi' agatn Allah. Kristus molabuhan somuo nantai oca' sia' monjadi satu umant inyo boharu di dalapm Sio. Boko urakng inyo pocayo doi' duo pihak nantai bodamai agatn inyo bukainyo. Sia' kinyo bokonjahatan agi' obai porbuatan Kristus di kayu salib.

Ibrani 12:14

Bousahacam hidup damai agatn somuo urakng. Bousaha jam hidup borosih doi' dosa. Obai, urakng inyo kinyo borosih doi' dosa, kinyo tajahan ulih moniant Tuhatn.

Ibrani 1:8

Apo Allah bopandir dinga' ni'in mongona'i Ana'-Nyo, “Duatn, oi Allah, momorintah di pucu' tahta Duatn somanah-manahnyo. Duatn momorintah agatn adil di dalapm Koraja'an Duatn.

Lukas 1:75

monyombah Sio huatan hala monjouhan diri doi' dosa, ongko molabuhan hal inyo boi' di hadapan Tuhatn, soumur hidup kito.”

Roma 7:6

Apo watu ni'in, kito dibebasan. Kito kinyo tokobat agi' ko Hukupm Torat obai caro hidup kito inyo manah nantai udah mati. Watu ni'in, kito hidup agatn caro inyo boharu. Kito molayati Allah bukainyo agatn caro hidup inyo monuruti Hukupm Torat inyo totulis apo agatn caro hidup inyo monuruti Roh Allah.

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

2 Petrus 1:4

Agatn caro nantai, Sio udah moonji'i kito boko janji inyo kotakan borogo ongko kotakan pontikng. Sio moonju' boko janji nantai oca' kaitn dapat sipat inyo samo sama'an Allah ongko oca' kaitn dapat disolamant'an doi' boko kohonda' di dunia ni'in, boko kohonda' jahat inyo bulah urakng bonaso.