Efesus 4:2 - Porjanjian Boharu Torjomahan Baso Dilakng Soari-ari

² Ia'an, kaitn gola' hala rondah hati, lomah-lombut huatan sabar. Tunju'an kasih kolai agatn caro hala tulukng-monulukng.

Efesus 4:2 ပူးပေါင်းရင်းမြစ်များ

Matius 11:29

Tuyut'i cam porintah-Ku. Bolajarcam doi' Aku, obai Aku lomah-lombut huatan rondah hati. Aman kaitn molabuhan nantai, ongko jiwa kaitn paca'an mooso sonang.

Markus 9:19

Ongko, Yesus bopandir ko sia', “Oi boko urakng inyo kinyo pocayo. Apo ija' manahnyo Aku gola' bosamo agatn kaitn agi'? Boropo manah agi' Aku gola' sabar agatn kaitn! Baba' bobia' nian ko si'itn.”

Kisah Boko Rasul 20:19

Aku molayati Tuhatn agatn rondah hati. Dalapm polayatan nantai, opat aku sampai monangis. Aku moalapi banya' ajab sonsaro obai urakng Yahudi inyo kinyo pocayo agatn Yesus opat bulah kojahatan ko aku.

Roma 15:1

Kito inyo kuat gola' monulukng urakng inyo kurakng kuat. Kito gola' momporhatian lapo inyo boi' pakai' monulukng urakng bukai monjadi lobih kuat pocayo. Kito gola' bousaha monyonangan siku'-monyiku'. Jangan kito bayo monyonangan diri kito siku'.

1 Korintus 13:7

Urakng inyo mongasihi nantai ia'an urakng inyo ulih tahatn mohadapi la'apo pan. Io hala pocayo. Io hala yakitn huatan boharap ko Allah dalapm somuo koadaan. Io hala sabar mohadapi la'apo pan.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

Efesus 1:4

Obai, sobolupm Allah mombulah dunia ni'in, Sio udah momilih kito monjadi umat-Nyo dalapm Kristus. Tujuan-Nyo oca' kito monjadi borosih, co bodosa di hadapan-Nyo.

Kolose 1:11

Koi pan bodoa oca' Allah monguat'an kaitn agatn kuaso-Nyo inyo kotakng luar biaso. Agatn ubo nian, kaitn ulih totap kuat huatan sabar mohadapi somuo macapm ajab sonsaro,

1 Timotius 6:11

Apo kolai, Timotius, jangan molabuhan boko porbuatan inyo jahat sama'an nantai. Kolai polayatn Allah. Kolai gola' bousaha hidup bondar di hadapan Allah, hidup sosuai agatn kohonda' Allah, pagutn sotia ko Allah, huatan mongasihi urakng bukai, botahatn mohadapi ajab sonsaro, bosikap lomah-lombut.

2 Timotius 2:25

Io gola' onsi' mongajar boko urakng inyo gala' molawatn. Sopo tohu Allah moonji'i kosompatan ko boko urakng inyo gala' molawatn nantai pakai' botongga' bulah dosa huatan tohu mongonal ajaran inyo bondar.

Yakobus 1:21

Jadi, kaitn gola' botongga' molabuhan boko hal inyo kotor huatan jahat. Lopas nian, jangan buhau. Apo torima'cam Pomandiran Allah agatn rondah hati. Allah udah monyimpatn Pomandiran-Nyo dalapm hati kaitn. Pomandiran-Nyo nantai ado kuaso pakai' monyolamant'an hidup kaitn.

1 Petrus 3:15

Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.

1 Petrus 3:8

Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.