Efesus 4:19 - Porjanjian Boharu Torjomahan Baso Dilakng Soari-ari

¹⁹ Sia' kinyo tohu malu. Agatn sama'an nantai, sia' hala monjumpati kohonda' bukakng-tubuh huatan bulah somuo macapm dosa bomporajoan sokohonda' hati sia'.

Efesus 4:19 ပူးပေါင်းရင်းမြစ်များ

Markus 7:22

bomporajoan agatn inyo bukai doi' bini damo lakinyo, monjadi sorakah, bulah kojahatan, monipu, bulah kinyo sopatn, monjadi tungi-dongki, mohanyam, monjadi buhau, monjadi uyuh diajar.

Efesus 4:17

Obai nantai aku momandiran ni'in, malahan aku monyiuh kaitn dalapm Tuhatn: Jangan agi' hidup sama'an boko urakng inyo kinyo mongonal Allah. Pikiran sia' sia-sia.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

1 Timotius 4:2

Boko urakng inyo mongajar boko ajaran nantai sobondarnyo sia' nantai boko urakng tumbukan, co nyiant hati sia'.

1 Petrus 4:3

Komainyo, kaitn udah cukup manah monuruti kohonda' dunia ubo urakng inyo co mongonal Allah, ia'an kaitn molabuhan porbuatan kinyo sonunuh. Kaitn momuasan kohonda' diri kaitn inyo jahat. Kaitn gala' komabu'an, bopesta pora, bopesta minuman koras. Kaitn molawatn porintah Allah agatn monyombah boko lompatukng.

2 Petrus 2:22

Porbuatan sia' nantai monunju'an obai poumpamoan ni'in bondar: “Kudu' paca'an makatn agi' apo inyo udah dimutahannyo.” Huatan “Babi inyo udah dimandi'i paca'an bobali' agi' mongudakng di dalapm luta'.”

Yudas 1:11

Tuhatn paca'an mohukupm sia'! Obai, caro hidup sia' jahat samo sama'an Kain doi' joman komai. Sia' gala' bulah kosalahan oca' sia' dapat duit samo sama'an Bileam. Sia' pan sama'an Korah jam obai sia' momborontak molawatn Allah huatan boko pomimpitn inyo dipilih Allah. Sia' paca'an dibonasoan samo sama'an io jam.

Wahyu 18:3

Obai, somuo banso udah minum anggur pomporajoannyo. Boko rajo di dunia udah bulah dosa bomporajoan agatn io. Boko podagakng di dunia monjadi dampu obai napsunyo kinyo tokondalian nantai.”