Efesus 4:18 - Porjanjian Boharu Torjomahan Baso Dilakng Soari-ari

¹⁸ Sia' kinyo dapat mongoroti mongona'i Allah obai sia' tinggal di dalapm potakng, jouh doi' kohidupan inyo dionju' Allah. Obai, sia' kinyo mongonal Allah, huatan obai sia' korikng hati.

Efesus 4:18 ပူးပေါင်းရင်းမြစ်များ

Matius 13:15

Obai hati banso ni'in udah co honda' mongoroti. Kolindakan sia' udah tingal. Mato sia' udah buto. Nantai tojadi oca' sia' co moniant agatn mato sia', sia' co mondinga' agatn kolindakan sia', sia' co mongoroti agatn hati sia'. Jadi sia' co paca'an moninggalan dosa sia' huatan Aku co paca'an monyamani sia'.’ ”

Efesus 2:12

Watu nantai, kaitn bolupm mongonal Kristus. Kaitn ia'an urakng asikng, bukainyo warga banso Israel inyo dipilih Allah. Kaitn bukainyo urakng inyo bodapat la'apo pan inyo dijanjian Allah. Jadi, kaitn co nyiant harapan. Kaitn hidup di dunia ni'in kinyo mongonal Allah.

Yohanes 12:40

“Tuhatn udah mombulah mato sia' buto. Sio udah mombulah hati sia' koras. Oca' jangan sampai ni'in tojadi: sia' moniant agatn mato, sia' mongoroti agatn hati, lalu moninggalan boko dosa sia', oca', Tuhatn moamputi sia'.”

1 Tesalonika 4:5

Jangan biaran diri kaitn dikuaso'i hawa napsu sama'an boko urakng inyo kinyo mongonal Allah.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

2 Korintus 4:4

ia'an boko urakng inyo kinyo honda' pocayo. Rajo Sitatn, inyo monguaso'i dunia ni'in, udah bulah sia' co mongoroti. Io bulah mato hati sia' monjadi buto oca' sia' co moniant cohayo, ia'an Kabar Boi' mongona'i Kristus inyo mulia, Kristus inyo nianam samo agatn rupo Allah.

Kolose 1:21

Memang komai kaitn hidup jouh doi' Allah. Kaitn nantai musuhAllah dalapm hati huatan pikiran kaitn. Obai, porbuatan kaitn jahat jam.

1 Yohanes 2:11

Apo urakng inyo bonci'an somadikannyo, boroti io ija' hidup di dalapm kogolapan. Io samo sama'an urakng inyo bojalatn di dalapm kogolapan. Io co tohu ko mono io bojalatn obai kogolapan nantai bulah io buto.

Galatia 4:8

Apo komai, kaitn bolupm ado hubukan agatn Allah. Kaitn monyombah boko duato inyo kinyo bondar. Kaitn monjadi boko hulutn boko duato nantai.

Roma 11:25

Boko somadikan! Oca' kaitn kinyo bopikir kaitn udah mongotohu'i boko la'apo pan, jadi aku honda' momadahannyo ko kaitn mongona'i hajat Allah ni'in inyo komai kinyo dikotohu'i monsio: Sobagi'an banso Israel udah monjadi korikng hati, kinyo honda' pocayo agatn Yesus. Apo, koadaan ni'in bayo sampai jumlah monsio doi' banso bukai udah datakng ko Allah, ia'an nantai jumlah inyo udah ditontuan-Nyo.

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

Roma 2:19

Kaitn mooso yakitn obai kaitn mampu mombimbikng urakng buto huatan monoraki jalatn pakai' urakng dalapm golap.

Markus 3:5

Yesus salu' obai sia' korikng hati. Agatn godi, Sio borotian ko sokolilikng boko urakng di santai. Lalu, kato-Nyo ko urakng inyo longannyo mati sopia'an, “Codakan longan kolai!” Pas urakng nantai monyodakan longannyo, longannyo nyamanam.

2 Korintus 3:14

Pikiran sia' udah totutup. Sampai ari ni'in pan, sama'an nian jam. Jadi, timpu urakng Israel mombaco Pojanjian Manah di Hukupm Torat nantai, ubo ado koitn ponutup mato-muho inyo mombulah pikiran sia' buntu'. Sia' co mongoroti sobondarnyo tujuan Hukupm Torat nantai, obai urakng bayo mongoroti aman io di dalapm Kristus.

Kisah Boko Rasul 3:17

Boko somadikan! Kaitn huatan boko pomimpitn kaitn molabuhan kojahatan nantai ko Yesus. Apo aku sadar kaitn co tohu sopo Sio sobondarnyo.

Roma 11:7

Jadi kosimpulannyo ubo ni'inan: Urakng Israel bousaha monjadi bondar di pohadapan Allah. Apo kobanya'an doi' sia' kinyo mondapat'annyo. Bayo sodikitmo inyo mondapat'annyo, ia'an nantai boko monsio inyo dipilih Allah. Somuo monsio bukai, Allah bulah hati sia' korikng hati.

1 Korintus 2:8

Boko pomimpitn di dunia ni'in kinyo mongorotikopintar-corodi'an Allah nantai. Sokironyo sia' mongoroti mongona'i nantai, pasti sia' kinyo mohukupm mati di kayu salib Tuhatn Yesus inyo mulia.

Efesus 2:1

Komai, kaitn udah mati socaro rohani obai kaitn bodosa huatan molanggar boko porintah Allah.

Ibrani 5:2

Imam agukng kinyo togas agatn boko urakng inyo sosat huatan bolupm mongoroti jalatn inyo bondar. Obai, io siku' kurakng kuat huatan bulah dosa samo sama'an sia'.

Ibrani 9:7

Apo ongkah imam agukng am ulih mansu' ko dalapm Ruakng Maho Suci. Malahan, io bayo ulih molabuhan nantai sokali sotohutn mo. Ongko io gola' mombaba' darah pakai' diposombahan ko Allah oca' dosa io siku' ulih diamputi, huatan oca' dosa inyo kinyo sajo dipulah ulih umant Israel dapat diamputi jam.

1 Petrus 1:14

Kaitn gola' hidup monaati Allah. Jangan monuruti kohonda' kaitn siku', samo sama'an inyo kaitn labuhan sobolupm kaitn mongonal Tuhatn.