Efesus 4:15 - Porjanjian Boharu Torjomahan Baso Dilakng Soari-ari

¹⁵ Apo kito pocayo agatn kuat ajaran inyo bondar huatan agatn hati inyo mongasihi urakng bukai. Agatn sama'an nantai, kito botumbuh monjadi samo sama'an Kristus, pomimpitn kito. Sio samo sama'an kopala'

Efesus 4:15 ပူးပေါင်းရင်းမြစ်များ

1 Yohanes 3:18

Poana'anKu! Jangannam kito bayo bopandir obai kito mongasihi urakng bukai damo bopandir mongona'i kasih ja'am. Apo kohonda'nyo kito bondar-bondar mongasihi agatn porbuatan ongko dalapm kobondaran.

Efesus 4:25

Obai nantai, jangan tumbukan. Kaitn gola' momadahan inyo bondar ko boko somadikan inyo bukainyo. Obai, kito sosamo anggota umant Allah.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

Efesus 2:21

Sio mombulah somuo bagian rumah nantai, ia'an kito inyo bobeda, huatan monjadi tosusutn rapi sampai rumah nantai monjadi mongkitn bosar. Rumah nantai monjadi Rumah Allah inyo husus pakai' Tuhatn.

Efesus 1:22

Allah udah mombulah somuo hal tundu' di babah kuaso Kristus. Sio udah moonju' Kristus ko somuo urakng pocayo sobagai Tuhatn inyo bokuaso doi' somuo hal. Sio sama'an Kopala'

1 Petrus 2:2

Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

Roma 12:9

Kaitn somuo gola' bobondar mongasihi urakng bukai. Jangan bayo pompadah. Kaitn gola' bonci' agatn inyo jahat ongko molabuhan inyo boi'.

Yohanes 1:47

Kato Filipus ko io, “Hincapm! Tiatcam numbo!” Watu Yesus moniant Natanael datakng, Sio bopandir mongona'i Natanael. Kato-Nyo, “Tiat! urakng ni'in asli urakng Israel! Kinyo ado kopalsuan dalapm dirinyo.”

Efesus 5:23

Obai laki ia'an kopala' doi' bini samo sama'an Kristus ia'an kopala' somuo urakng inyo pocayo ko Sio. Sio monyolamant'an sia' inyo monjadi sama'an bukakng-tubuh-Nyo siku'.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

2 Korintus 8:8

Aku momadahan nantai bukainyo sobagai porintah. Aku momadahan mongona'i bantu'an doi' boko urakng di Makedonia sobagai contoh pakai' kaitn. Agatn ubo nian aku honda' mouji aman kaitn bondar-bondar mongasihi boko somadikan kaitn inyo bukai.

1 Korintus 11:3

Apo aku honda' oca' kaitn mongotohu'i ni'in: Kristus bokuaso di pucu' somuo lolaki. Lolaki bokuaso di pucu' botina'. Allah bokuaso di pucu' Kristus.

Efesus 1:4

Obai, sobolupm Allah mombulah dunia ni'in, Sio udah momilih kito monjadi umat-Nyo dalapm Kristus. Tujuan-Nyo oca' kito monjadi borosih, co bodosa di hadapan-Nyo.