Efesus 3:8 - Porjanjian Boharu Torjomahan Baso Dilakng Soari-ari

⁸ Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Efesus 3:8 ပူးပေါင်းရင်းမြစ်များ

Lukas 14:22

Lopas nian, hulutn nantai bopandir ko habakngnyo, ‘Habakng, aku udah molabuhan porintah duatn nantai, apo ija' ado tompat logo pakai' banyaꞌ tamu' agi'.’

Yohanes 1:16

Obai Sio kotakng mongasihi kito, jadi kito hala monorima' borokat doi' Sio.

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Roma 11:33

O, kotakan luar biaso borokat doi' Allah! Kobijaksana'an-Nyo kotakan dalapm! Sio mongotohu'i la'apo pan! Conyiant ado monsio inyo ulih monyolidiki boko koputusan-Nyo! Conyiant ado monsio inyo ulih mongoroti boko roncana-Nyo!

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

Roma 2:4

Allah kotakan boi' huatan sabar ko kaitn. Sio kinyo lansukng mohukupm kaitn. Jangan moanggap koboi'an-Nyo nantai kinyo borogo? Kaitn gola' mongoroti obai Allah monunju'an koboi'an-Nyo ko kaitn obai Sio honda' oca' kaitn moninggalan boko dosa kaitn.

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

1 Korintus 15:9

Obai, di antaro somuo rasul, aku inyo palikng nyiant pasalnyo. Aku kinyo cucu' disobut rasul, obai komainyo aku mondorako'i boko urakng inyo pocayo ko Yesus.

1 Korintus 2:9

Apo sama'an inyo ditulis dalapm Buku Suci, “Allah jadi monyiap'an boko hal pakai' boko urakng inyo mongasihi Sio. Apo kinyo kalo ado urakng inyo moniant boko hal nantai. Kinyo kalo mombayakan boko hal nantai.”

Galatia 1:16

monyatoan Yesus ko aku. Allah molabuhan nantai oca' aku momboritoan ko boko urakng bukai Yahudi mongona'i Yesus. Jadi, aku dapat pongorotian mongona'i Yesus lansukng doi' Sio siku' huatan aku co minto siku' urakng pan momadahiku.

Galatia 2:8

Sia' monjadi sadar agatn nantai obai Allah udah moonji'i kuaso ko aku pakai' monjadi rasul ko urakng bukainyo Yahudi, samo sama'an Allah moonji'i kuaso ko Petrus pakai' monjadi rasul ko urakng Yahudi.

Efesus 2:7

Nantai am caronyo Allah monunju'an kasih karunia-Nyo ko kito dalapm Kristus Yesus. Allah molabuhan nantai oca' pado masa-masa nononyo boko urakng ulih moniant obai Sio kotakng boi'.

Efesus 3:1

Nantaiam sobabnyo aku, Paulus ditamoan ko dalapm ponjara obai molayati Kristus Yesus momboritoan Kabar Boi' ko kaitn boko urakng bukainyo urakng Yahudi. Obai aku molabuhan nantai, jadi aku

Efesus 3:16

Sio ia'an sumber somuo hal huatan kotakng mulia. Aku bodoa oca' Sio monulukng kaitn sosuai agatn sipat-Nyo nantai ia'an oca' Sio mombulah hati ongko jiwa kaitn kuat agatn kuaso doi' Roh-Nyo.

Efesus 3:19

Kasih-Nyo kotakng bosar sampai kinyo ado urakng inyo ulih momahami somuonyo. Apo aku totap bodoa oca' kaitn ulih mongonal kasih nantai. Agatn sama'an nantai, hati huatan pikiran kaitn paca'an monjadi mongkitn bisi agatn somuo hal inyo ado di dalapm diri Allah.

Efesus 3:2

Tontu am kaitn udah mondinga' mongona'i tugas nantai inyo Allah onju' ko aku. Obai kasih karunia-Nyo, Sio moutus ku pakai' molayati kaitn.

Filipi 2:3

Jangan buhau ongko bogoyap pujian sia-sia. Apo, rondahancam hati kaitn. Anggap ja' urakng bukai lobih pontikng doi' kolai siku'.

Filipi 4:19

Allahku kotakan dampu. Sio tajahan momonuhi somuo inyo kaitn pontikan di dalapm Kristus Yesus.

Kolose 1:27

Allah honda' momadahan ko sia' obai roncana-Nyo kotakan boi' pakai' boko banso inyo bukainyo banso Yahudi. Ni'innam roncana-Nyo: Kristus ulih hidup di dalapm diri kaitn urakng inyo bukainyo urakng Yahudi. Rotinyo, kaitn ulih yakitn moharap'an obai kaitn paca'an monorima' kohormatan doi' Allah.

1 Timotius 1:13

Padohal, komai aku ninam urakng inyo mohayam Sio. Aku mondorako'i somuo urakng inyo pocayo ko Sio. Boko porbuatanku nantai kotakan jahat. Apo Yesus monunju'an kasih-Nyo ko aku. Sio molabuhan nantai obai aku bolupm pocayo ko Sio. Aku bolupm mongotohu'i boko porbuatanku nantai kotakan jahat.

1 Timotius 1:15

Pomandiran ni'in memang bondar huatan gola' dipocayo bobondar: Kristus Yesus udah datakng ko dunia ni'in pakai' monyolamant'an boko urakng bodosa. Di antaro boko urakng bodosa, aku ninam inyo kotakng jahat.

1 Timotius 2:7

Nianam Kabar Boi' inyo gola' aku boritoan. Nantaiam alasannyo aku diutus monjadi rasul pakai' momboritoannyo. Pomandiran aku ni'in bondar. Aku co bulah tumbukan. Aku dipilih pakai' mongajar boko urakng inyo bukainyo urakng Yahudi oca' sia' tohu la'apo inyo bondar mongona'i Yesus.

2 Timotius 1:11

Aku diutus pakai' monjadi rasul-Nyo inyo momboritoan Kabar Boi' nantai lalu mongajar urakng mongona'i Sio.

Wahyu 3:18

Obai nantai, Aku momadahi kaitn oca' momboli omas doi' Aku, omas inyo udah dimurnian dalapm api. Kaitn gola' molabuhan nantai oca' kaitn bondar-bondar monjadi dampu. Bolicam pakai'an putih doi' Aku oca' kaitn bopakaian, oca' monutupi koadaan kaitn kolanjakng inyo bulah kaitn malu. Bolicam ubat pakai' dipalitan ko mato kaitn oca' kaitn ulih moniant.