Efesus 3:6 - Porjanjian Boharu Torjomahan Baso Dilakng Soari-ari

⁶ Sama'an ni'in hajat Allah nantai: Sio mombulah caronyo oca' boko urakng bukainyo urakng Yahudi dapat borokat samo sama'an urakng Yahudi jam. Aman sia' pocayo kabar boi' mongona'i Kristus, sia' monjadi satu umant bosamo agatn urakng Yahudi inyo pocayo. Sia' samo-samo dapat monorima' somuo inyo dijanjian, Allah molalu'i Kristus Yesus.

Efesus 3:6 ပူးပေါင်းရင်းမြစ်များ

1 Korintus 12:12

Ado banya' urakng inyo bukai-mombukai pocayo ko Kristus. Ado boko urakng Yahudi inyo pocayo ko Kristus. Ado jam boko urakng inyo bukainyo urakng Yahudi. Ado hulutn inyo udah pocayo. Ado jam urakng bebas. Apo kito totap sokolompok mo obai kito somuo dibaptis agatn Roh inyo samo. Apo kito somuo pan monorima' Roh inyo samo dalapm hati kito. Obai nantai, kito inyo udah pocayo samo sama'an sobukakng-sotubuh. Bukakng-tubuh nantai sobuti' apo ado banya' bagiannyo.

1 Korintus 12:27

Kaitn kolompok urakng inyo pocayo samo sama'an sobukakng-sotubuh, ia'an bukakng-tubuh Kristus. Kaitn siku'-monyiku' nantai bagian doi' bukakng-tubuh-Nyo nantai.

Galatia 3:14

Watu Yesus Kristus monyolamant'an kito doi' hukupan nantai, borokat inyo dionji'i ko Abrahapm dionji'i jam ko boko urakng bukainyo Yahudi. Solaitn nantai, aman kito pocayo ko Yesus, kito pan ulih monorima' Roh inyo dijanjian Allah.

Galatia 5:24

Boko urakng inyo monjadi pongikut Kristus Yesus, sia' udah monyaliban somuo napsu ongko kohonda' diri inyo jahat.

Efesus 3:3

Sio momboritoan ko aku roncana-Nyo inyo komai kinyo dikotohu'i monsio. Di pucu' Aku udah monulis socaro panda' ko kaitn mongona'i hal nantai.

Efesus 5:30

Obai kito ia'an boko anggota bukakng-tubuh-Nyo.

Efesus 5:7

Obai nantai, kaitn jangan jumpat bulah kojahatan bosamo agatn sia'.

Kolose 2:19

Io tongga' pocayo ajaran inyo bondar mongona'i Kristus. Kristus inyo momimpitn somuo urakng pocayo samo sama'an kopala' bokuaso ko bukakng-tubuhnyo. Kopontikan bukakng-tubuh nantai diponuhi huatan bukakng-tubuh nantai totap sobuti' obai ado hubukan agatn inyo bukainyo. Kopala' nantai moatur somuonyo oca' bukakng-tubuh-Nyo botumbuh sama'an inyo dikohonda'i Allah.

1 Yohanes 1:3

Koi momboritoan ko kaitn mongona'i somuo inyo koi tiat huatan inyo koi dinga', oca' kaitn paca'an bosatu hati agatn koi. Kosatuan inyo koi pulah ia'an koi bosatu agatn Allah Bopai huatan agatn Ana'-Nyo, Yesus Kristus.

1 Yohanes 2:25

Ongko ninam inyo udah Sio janjian ko kito, ia'an hidup inyo somanah-manahnyo.